ޓީޖެޓީ އަލިފާނުގެ ޙާދިސާގައި އެންމެ ބޮޑަށް ފިހުނު މީހާ އިތުރުފަރުވާއަށް ރާއްޖެއިން ބޭރަށް ފޮނުވުމަށް މަސައްކަތް ކުރަމުންދާކަމަށް އޭނާގެ އާއިލާއިން ބުނެފިއެވެ. އޭނާގެ ހަށިގަނޑުގެ 65 ޕަސަންޓަ ވަނީ ފިހިފައެވެ.
އާއިލާއިން ވާހަކަދެއްވި ނައުފަލު ބުނީ އޭނާގެ ކޮއްކޮގެ ލޭގައި ޖަރާސީމު އުފެދިފައިވާތީ އިތުރު ފަރުވާއަށް ވީހާވެސް އަވަހަށް ރާއްޖެއިން ބޭރަށް ގެންދިއުމަށް ޑޮކްޓަރ ލެފާދެއްވައިފައިވާކަމުގައެވެ. ކޮއްކޮއަށް ފަރުވާ ދެމުންދަނީ އައިސީޔޫގައި ބާއްވައިގެންކަމަށް ނައުފަލު ބުންޏެވެ. އާސަންދަ ހަމަޖެހެން އަންނަނީ މާދަމާ ޑޮކްޓަރ ސިޓީއެއް ލިބިގެންކަމަށްވާތީ އޭގެ ކުރިންވެސް ކޮއްކޮ ބޭރަށް ފޮނުވާލުމަށް މަސައްކަތްކުރަމުންދާކަމަށް ނައުފަލު ބުންޏެވެ. އާޢިލާއިން މަސައްކަތްކުރަނީ މާދަމާގެ ފްލައިޓުން އިންޑިއާއަށް ގެންދެވޭތޯއެވެ.
ޓީޖެޓީގެ އަލިފާނުގެ ހާދިސާގައި އެންމެބޮޑަށް ފިހިފައިވަނީ މަޝްހޫރު ސްވިމިން ކޯޗް ނައުފަލުގެ އެއްބަޑު އެއްބަފާ ކޮއްކޮ މުޙައްމަދު އުނައިސް (25) އެވެ. އޭނާއަކީ އަލިފާނުގެ ޙާދިސާގައި އަނދައިގެން ދިޔަ ލޯންޗްގެ ކެޕްޓަނެވެ. އޭނާ ކައިވެނި ކުރީވެސް ވަރަށް ފަހުންނެވެ.
އުނައިޝްގެ ބޭބެ ނައުފަލް
ޓީޖެޓީގެ އަލިފާނުގެ ޙާދިސާގައި ފިހިގެން ފަރުވާ ދެމުންދާ އެހެން މީހުންގެ ޙާލު ރަނގަޅުވަމުން އަންނަކަމަށް ވަނީ މަޢުލޫމާތު ލިބިފައެވެ.
ނައުފަލަކީ ހިލޭސާބަހަށް ކުޑަކުދިންނަށް ފަތަންދަސްކޮށްދިނުގައި 18 ހޭދަކޮށްފައިވާ ރާއްޖޭގެ މަޝްހޫރު ސްވިމިންކޯޗެކެވެ. އޭނާއަށް ވަނީ އެދާއިރާއިން އާންމު ޚިދުމަތުގެ ޤައުމީ އިނާމުވެސް ލިބިފައެވެ. އޭނާ މިއަދު އެންމެ ބޭނުންވަނީ ކޮށްކޮގެ ފަރުވާ ބޭނުންވާ ފައިސާގެ އެހީތެރިކަން ހަމަޖެހިގެން ދިއުމެވެ.
ނޯޓް : ފައިސާގެ އެހީތެރިކަން ފޯރުކޮށްދެއްވަން ބޭނުންފުޅުވާ ފަރާތްތަކުން ތިރީގައިވާ ނައުފްލުގެ އެކައުންޓަށް ފައިސާ ޖަމާކުރެވޭނެއެވެ.
Acc Name: Naufal Moosa
Acc No :7701149454101
Mobile No:7776063
