ސުޕްރީމް ކޯޓުގެ ފަނޑިޔާރު ކަމުގެ މަގާމުގައި ހުންނެވި އަލްއުސްތާޒު އަބްދުﷲ ދީދީ މަގާމުން ވަކިކުރުމަށްޓަކައި ރައްޔިތުންގެ މަޖިލީހުގައި ދާދި ދެންމެއަކު ނެގި ވޯޓު 72 މެމްބަރުންގެ ތާއީދާއެކު މަގާމުން ވަކި ކުރަން ނިންމައިފިއެވެ.
އަބްދުﷲ ދީދީ މަގާމުން ވަކިކުރަން ޖޭއެސްސީން ހުށަހެޅި މައްސަލައިގެ ބަހުސަށް ފަހު ދާދި ދެންމެއަކު ނެގި ވޯޓު ވޯޓުގައި 72 މެމްބަރުން ވަނީ އަބްދުﷲ ދީދީ ސުޕްރީމް ކޯޓުގެ ފަނޑިޔާރު ކަމުން ވަކި ކުރަން ފެންނަ ކަމަށް ވޯޓު ދެއްވާފައެވެ. ވަކި ކުރަން ނުފެންނަ ކަމަށްވެސް އެއްވެސް މެމްބަރަކު ވޯޓު ދެއްވާފައި ނުވެއެވެ. ވަކިގޮތަކަށް ވޯޓު ނުދެއްވައި 1 މެމްބަރު އިންނެވިއެވެ. ފާސް ކުރުމަށް ބޭނުންވި އަދަދަކީ 49 ވޯޓެވެ.
ރިޔާސަތުން މަޖިލީހުގެ ނައިބު ރައީސް އީވާ އަބްދުﷲ ވޯޓަށް ފަހު ވިދާޅުވީ ސުޕްރީމް ކޯޓުގެ ފަނޑިޔާރު އަބްދުﷲ ދީދީ މަގާމުން ވަކިކުރަން އެދި ޖޭއެސްސީން ފޮނުވި މައްސަލައިގައި މަޖިލީހުގެ ޖަލްސާގައި ވޯޓަށް ގޮސް އަބްދުﷲ ދީދީ މަގާމުން ވަކި ކުރަން ފެންނަ ކަމަށް ފާސްވުމާއެކު އެވަގުން ފެށިގެން ސުޕްރީމް ކޯޓުގެ ފަނޑިޔާރު ކަމުން އަބްދުﷲ ދީދީ ވަކިވެއްޖެ ކަމަށެވެ.
