ދުނިޔޭގެ އެންމެ ބިޔަ ޖަންގަލި، އެމޭޒަންގައި ރޯވެފައިވާ އެތައް ހާސް އަލިފާންގަނޑުތަކެއް ނިއްވާލުމުގެ މަސައްކަތް ފެށުމަށް ބްރެޒިލްގެ ރައީސު ޖައިރް ބޮލްސޮނާރޯ އެގައުމުގެ ސިފައިންނަށް އަމުރުކުރައްވައިފިއެވެ.
މިއަހަރު އެމޭޒަން ޖަންގަލީގައި އާދަޔާއި ޚިލާފަށް ގިނަ އަލިފާންގަނޑު އަނދަމުން ދާތީ މުޅި ދުނިޔެއިން ދަނީ އެކަމާ ކަންބޮޑުވުން ފާޅުކުރަމުންނެވެ. 'ދުނިޔޭގެ ފުއްޕާމޭ' ގެ ގޮތުގައި ސިފަކުރެވޭ ބިޔަ ޖަންގަލި އަނދަމުން ދާތީ ބްރެޒިލް ސަރުކާރާ ދެކޮޅަށް ބްރެޒިލާއި ދުނިޔޭގެ އެކި ކަންކޮޅުތަކުގައި ދަނީ މުޒާހަރާކުރަމުންނެވެ.
ކޮންމެ އަހަރަކުވެސް ހޫނު މޫސުމުގައި ޖަންގަލީގައި ރޯވުމަކީ ޠަބީޢީ ކަމެކެވެ. މީގެ އިތުރަށް، ދަނޑުވެރިންވެސް ދަނޑުވެރިކަން ކުރަން ބިން ސާފުކުރުމުގެ ބޭނުމުގައި ޖަންގަލީގައި ރޯކުރެއެވެ.
ބްރެޒިލްގެ ނޭޝަނަލް އިންސްޓިޓިއުޓް އޮފް ސްޕޭސް ރިސާޗް (އައިއެންޕީއީ) ބުނި ގޮތުގައި އޮގަސްޓް 15 ގެ ފަހުން އެކަނިވެސް އެމޭޒަންގައި 9500 އަލިފާންގަނޑު ރޯވެފައި ވެއެވެ. ތިމާވެށީގެ ހާލަތު ބަލާ އިދާރާތަކުން ބުނާ ގޮތުގައި، އެމޭޒަން ޖަންގަލިން އަރާ ދުން ދެކުނު އެމެރިކާ މަތިން އެތައް ހާސް ކިލޯމީޓަރަކަށް ދަތުރުކޮށްފައެވެ. މި ދުންގަނޑުގެ ސަބަބުން ބްރެޒިލްގެ ބައެއް ސަރަހައްދުތަކުގައި މިހާރު ވަނީ ކުއްލި ހާލަތު އިއުލާނުކޮށްފައެވެ.
އެމޭޒަން ރޯވެ އަނދަމުން ދާއިރު، އެކަން ކޮންޓުރޯލުކުރަން ބްރެޒިލް ސަރުކާރުން އެކަށީގެންވާ ފިޔަވަޅު އަޅާފައި ނުވާތީ، ޔޫރަޕިއަން ޔުނިއަން (އީޔޫ) ގެ ލީޑަރުން ވަނީ ދެކުނު އެމެރިކާގެ ގައުމުތަކާ އެކު ސޮއިކުރަން ނިންމާފައިވާ ވިޔަފާރީގެ އެއްބަސްވުމެއްގައި ސޮއިކުރުން ކުރިއަށް ނުގެންދާނެ ކަމުގެ އިންޒާރު ދެއްވާފައެވެ.
ފާއިތުވި ޖޫން މަހު އީޔޫ އާއި މެކަސޯ އާ ދެމެދު އެއްބަސްވުމަކަށް އާދެވިފައިވާ ދަނޑުވެރިކަމާ ބެހޭ މުއާހަދާގައި ސޮއިނުކުރާނެކަމުގެ އިންޒާރު ފްރާންސާއި، އަޔަލޭންޑުން ވަނީ ދީފައެވެ. މެކަސޯގައި ހެމެނެނީ ބްރެޒިލް، އާޖެންޓީނާ، އުރުގުއޭ އަދި ޕެރެގުއޭ އެވެ.
އެމޭޒަން އަދަމުންދާ މައްސަލައިގައި ފްރާންސުގެ ރައީސު މެކަރޯން ފާޑުވިދާޅުވެފައި ވާތީ ބްރެޒިލްގެ ރައީސު ބްލްސޮނާރޯ ވަނީ
