މިރޭ ރާއްޖޭ ގަޑިން 11:43 އިން ފަތިހު 5:17 އާ ދެމެދު ފުރިހަމަ ހަނދުކޭތައެއް ހިފާނެތީ ރާއްޖޭގައި މީހުން އުޅޭ ހުރިހާ ރަށެއްގައި ކޭތަ ނަމާދު ކުރުން އޮންނާނެ ކަމަށް މިނިސްޓްރީ އޮފް އިސްލާމިކް އެފެއާޒުން ވިދާޅުވެއްޖެއެވެ.
އެމިނިސްޓްރީން ވިދާޅުވީ ކޭތަނަމާދު ކުރުން އޮންނާނީ މިރޭ މެންދަމުންއަލިވެ 3:30 ގައި ކަމަށެވެ. ނަމާދު ކުރާނީ އެރަށެއްގައި ހުންނަ އެންމެ ބޮޑު މިސްކިތެއްގައި ކަމަށް ވެސް މިނިސްޓްރީން ވިދާޅުވެފައިވެއެވެ.
މިރޭ ހިފާ ހަނދުކޭތަ ރާއްޖެއަށް ފެންނާނެ ކަމަށް ފަލަކީ ހިސާބުން ދައްކާފައިވާ ކަމަށް ވެސް އިސްލާމިކް މިނިސްޓްރީން ވިދާޅުވެފައިވެއެވެ.
