މިމަހުގެ 18 ވަނަ ދުވަހު ހެނދުނު ގެއްލިގެން ފުލުހުންނަށް ރިޕޯޓު ކޮށްފައިވާ އުމުރުން 14 އަހަރުގެ ޝައިމް އަބްދުﷲ ގެ އެއްވެސް ޚަބަރެއް އަދިވެސް ލިބިފައި ނެތް ކަމަށް ފުލުހުން މިއަދު ބުނެފިއެވެ.
މޯލްޑިވްސް ޕޮލިސް ސާވިސްއިން ބުނީ ޝައިމް ގެއްލިގެން ހޯދާތާ މިއަދަށް 6 ދުވަސް ވާއިރު އޭނާއާބެހޭ އެއްވެސް ޚަބަރެއް އެއްވެސް ފަރާތަކުން އަދިވެސް ލިބިފައި ނެތް ކަމަށާއި އެހެންވެ ޝައިމް ހޯދުމުގެ މަސައްކަތް ހުއްޓާނުލައި ފުލުހުން މިހާރުވެސް ކުރަމުން އަންނަ ކަމަށެވެ.
ދަފްތަރު ނަންބަރު ރސ 2997 ޝައިމް އަބްދުﷲ ގެއްލުނު ކަމުގެ ރިޕޯޓު ފުލުހުންނަށް ކޮށްފައި ވަނީ މިމަހުގެ 18 ވަނަ ދުވަހުގެ ހެނދުނު 9:29 ގައި ކަމަށް ފުލުހުން ބުނެއެވެ. އެކުއްޖާއާބެހޭ އިތުރު މައުލޫމާތެއް ފުލުހުން ހާމަކޮށްފައި ނުވެއެވެ.
ފުލުހުން ބުނީ ޝައިމްއާބެހޭ އެއްވެސް ޚަބަރެއް އާންމު ފަރާތަކަށް ލިބުނު ނަމަވެސް ލަސްނުކޮށް ފުލުހުންނަށް އެންގުމަކީ އެފަރާތުގެ ވަރަށް ބޮޑު އެދުމެއް ކަމަށެވެ. އެގޮތުން ޝައިމްގެ ޚަބަރެއް ވެއްޖެނަމަ ފުލުހުންގެ ފެމެލީ އެންޑް ޗައިލްޑް ޕްރޮޓެކްޝަން ޑިޕާޓްމަންޓުގެ ޑިއުޓީ ނަންބަރ 3000600 އަށް ގުޅައިގެން އެކަން ޙިއްސާ ކުރުމަށް ފުލުހުން ވަނީ އެދިފައެވެ.
މިއީ ކުޑަ ކަމެއް ނޫން އެކަމު ނޫސް ވެރިއެއް ސިޔާސީ މީހެއް ނޫން ވީމާ މާބޮޑު ކަމަކަށް ވެގެން ނޫލޭ ކޮބައިތަ މަރުތައް ބަލާ ކޮމިޝަން ކޮބައިތަ ސިޔާސީ މަގާމުތަކުގައި ތިބި ޒިންމާދާރު މީހުން ކަހާތަން ހިރުވާ ނުލާ އިންސާނީ ހައްތު ތަކަށް ވަކާލާތު ކުރާމީހުން ކޮބައިތަ، ކޮބައިތަ ސިދާތާ ކޮބައިތަ ކެއަރ ސޮސައިޓީ ކޮބައިތަ އާރކް