އިނގިރޭސި ވަލީ އަޙުދު، ޕްރިންސް ހެރީގެ އަނބިކަނބަލުން މެގަން މާކެލް ފިރިހެން ބޭފުޅަކާގެން ރައްކައުވެ ވަޑައިގެންފިއެވެ. މެގަންއަށް ފިރިހެން ބޭފުޅަކު ލިބިވަޑައިގެންނެވިކަން އެންމެ ފުރަތަމަ އިއުލާން ކުރައްވާފައިވަނީ ހެރީ އާއި މެގަންގެ ރަސްމީ އިންސްޓެގްރާމް އެކައުންޓު މެދުވެރިކޮށެވެ. އޭގެ ފަހުން ޝާހީ އާއިލާގެ ރަސްމީ އެކައުޓުން ވެސް މި ޚަބަރު އާއްމުކުރައްވާފައިއެވެ.
އިނސްޓެގްރާމް ޕޯސްޓުގައި ހާމަކުރައްވާފައިވާ ގޮތުގައި މެގަން ރައްކައުވެ ވަޑައިގެންނެވީ އިނިގރޭސި ވިލާތުގެ ގަޑިން މިއަދު ހެނދުނު 5:26 ގައެވެ. އަދި ދެމައިންގެ ޙާލު ރަނގަޅު ކަމަށް ވިދާޅުވެފައިވެއެވެ. އިތުުރު ތަފްޞީލު ފަހުން ހަމަކުރައްވާނެ ކަމަށް އެ ޕޯސްޓުގައި ވިދާޅުވެފައިވެއެވެ.
އުމުރުން 37 އަހަރުގެ މެގަން އާލާސްވެ އިންނެވިކަން އިއުލާން ކުރައްވާފައިވަނީ މިދިޔަ އަހަރުގެ އޮކްޓޯބަރު މަހު އެވެ. ހެރީ އާއި މެގަންގެ ފުރަތަމަ ބޭފުޅާއަށް ދެއްވާނެ ނަމެއް އަދި އާއްމުކުރައްވާފައެއް ނުވެއެވެ. ފިރިހެން ބޭފުޅެއް ނަމަ އަރތަރ ނުވަތަ ޖޭމްސް ގެ ނަންދެއް އެވެ.
މީގެ ދުވަސްކޮޅެއް ކުރިން ހެރީ އާއި މެގަން ވަނީ އެބޭފުޅުންގެ ފުރަތަމަ ބޭފުޅާ ރައްކައުވުމާ ގުޅޭ މައުލޫމާތު އާއްމުކުރައްވަން ބޭނުންފުޅު ނޫންނަކަމަށް ވިދާޅުވެފައިވެއެވެ. ނަމަވެސް އެދުވަސް އާއްމުންނާ ހަމައަށް ގެނެސްދިނުމަށް ޕަޕަރާޒީން ޑިޔުޓީ ބަހައިގެން ފާރަވެރިވަމުން ގޮްސްފައިވެއެވެ.
ekam haadha maaiy bahuruvain miothee liyefa
މީގެ ކުރިން ރައްކާވުން ވިހެއުމަށް ބޭނުން ކޮއް އުޅެނީ ރަސޫލުންނަށް
ވިލިއަމް އެން މޭގަން