އަންނަ އޭޕްރީލް މަހުގެ 14 ވަނަ ދުވަހުން ފެށިގެންފަތުރުވެރި ކަމުގެ ބޭނުމަށް ތައިލެންޑަށް ދަތުރުކުރާ ދިވެހީންނަށް ވިސާ އާއި ނުލައި ތައިލެންޑަށް އެތެރެވެވޭނެ އިންތިޒާމު ތައިލޭންޑް ސަރުކާރުން ހަމަޖައްސަވައިފިއެވެ. މި ގޮތަށް ހަމަޖެހުމުން ފަތުރުވެރިކަމުގެ ބޭނުމަށް ތައިލެންޑަށް ދާ ދިވެހީންނަށް އެ ގައުމުގައި 30 ދުވަހުގެ މުއްދަތަށް ތިބެވޭނެއެވެ.
ފޮރިން މިނިސްޓްރީ އިން ހާމަކުރައްވާ ގޮތުގައި ދިވެހި ރާއްޖެއިން ބޭރަށް ދަތުރުކުރާ ދިވެހިންނަށް ވިސާގެ ލުއިފަސޭހަ ގޮތްތައް ހަމަޖައްސައިދިނުމަށް ސަރުކާރުން ގެންދަވަނީ ގިނަ މަސައްކަތްތަކެއް ކުރައްވަމުންނެވެ. ތައިލެންޑްގެ އިތުރުން އިރުމަތީ އޭޝިއާގެ އެހެން ޤައުމުތަކަށްވެސް ފަސޭހަކަމާއިއެކު ދިވެހިންނަށް ޒިޔާރަތްކުރޭނެ މަގު ފަހިކުރުމަށް ސަރުކާރުން މަސައްކަތް ކުރައްވަމުން ގެންދަވާ ކަމަށް ވެސް މިނިސްޓްރީ އިން ހާމަކުރައްވައެވެ.
