އެއް މިލިއަނަށްވުރެ ގިނަ ރުފިޔާގެ މުދަލާއެކު "މިހިރީ 5" ނަމަކަށް ކިޔާ ބޯޓު މިއަދު އަޑިއަށް ހިނގައްޖެއެވެ.
އެބޯޓު އަޑިއަށް ދިޔައީ އިންނަމާދޫ ފަޅުތެރެއަށެވެ. ޙާދިސާ ހިނގާފައިވަނީ މިއަދު މެންދުރު 12:40 އެހައިކަންހާރު ކަމަށް ފުލުހުން ވިދާޅިވިއެވެ. ބޯޓު އަޑިއަށްދިޔައިރު އޭގައި ކާޑުގެ ބާއްވަތްތަކާއި، ގޭހައި، ސިމެންތިއާއި ހިލަވެލި ފަދަ ސާމާނު ހުރި ކަމަށް ފުލުހުން ވިދާޅުވިއެވެ. މި ބޯޓަކީ މާލެއާއި އިންނަމާދުއާ ދެމެދު ދަތުރުކުރާ ބޯޓެކެވެ. ބޯޓު އަޑިއަށްދިޔަ ޙާދިސާގައި އެއްވެސް މީހަކަށް އަނިޔާއެއް ނުވެއެވެ.
ބޯޓު ފުންކުރުމުގެ މަސައްކަތުގައި އިންނަމާދޫގައި މަސައްކަތްކުރާ ފުލުހުންނާއި އުނގޫފާރުގައި މަސައްކަތް ކުރައްވާ ފުލުހުން ގެންދަނީ ޙަރަކާތެރިވަމުންނެވެ. އޭގެ އިތުރަށް އެރަށުގެ ރައްޔިތުންނާއި ކައިރި ރަށްރަށުގެ މީހުން ބައިވެރިވަމުންދާ ކަމަށް ފުލުހުން ވިދާޅުވިއެވެ.
