ދެ އަންހެނުންނާއި 4 ކުޑަކުދިންނާއެކު ޖުމްލަ 21 މީހުންނާއެކު ދަތުރު ކުރަމުން އައި ބޯޓެއްގެ އިންޖީން ހުއްޓުމުން އޭގެ ތެރެއިން 13 މީހަކު އެމްއެންޑީއެފުން މާލެ ގެނެސްފިއެވެ.
އެމީހުން މާލެ ގެނެސްފައިވަނީ މިރޭ 00:30 ގައި ކަމަށް އެމްއެންޑީއެފުން ވިދާޅުވިއެވެ.
އެ ބޯޓަކީ ލ.ފޮނަދޫން ފުރައިގެން މާލެ ދަތުރު ކުރަމުން އައި "އަރަފާ އެކްސްޕްރެސް" ކިޔާ ބޯޓެކެވެ. ބޯޓުގެ އިންޖީން ހުއްޓުފައިވަނީ ފުލިދޫ ކަނޑުން ދަތުރުކުރަމުން އަންނަނިކޮށްނެވެ. މި ޙާދިސާ ހިނގާފައިވަނީ މިރޭ 9:25 ގައެވެ.
އެ ބޯޓުން ދަތުރުކުރި މީހުންގެ ތެރެއިން 13 މީހުން މާލެ ގެނެސްފައި ވިޔަސް ބޯޓު މިހާރު ވީ ހިސާބަކާއި ބޯޓުގެ އިންޖީނު ހެދުނުކަމެއްވެސް އަދި ނުހެދޭ ކަމެއް ވެސް އެމްއެންޑީއެފުން ވިދާޅެއް ނުވެއެވެ.
