ދުންފަތުގެ ބާވަތްތައް ޕެކެޓު ކޮށްލޭބަލް ޖެހުމުގެ ގަވާއިދު ރައީސް އިފްތިތާހު ކޮށްދެއްވައިފި

4:36

މިހާރު ކުރިއަށްދަނީ ޝުކުރު ދެންނެވުން. ޝުކުރު ދަންނަވަނީ ގައުމީ ޔުނިވަރުސިޓީގެ ދަރިވަރު އަލީ

4:36

ރައީސްގެ ވާހަކަ ފުޅު ނިންމަވައިފި

4:35

ރައީސް: މިއީ ގަވާއިދަކުން ނުވަތަ ދުންފަތް ޕެކެޓުގައި ތަތްކޮށްލާ ލޭބަލަކުން މިކަން ކޮންޓްރޯލު ނުކުރެވޭނެ. ފަރުދީ ޒިންމާ އަދާކުރަންޖެހޭ. ދުންފަތް ދޫކޮށް ރަނގަޅު ސިއްހަތަކަށް ކޮންމެ މީހަކުވެސް މަރުހަބާ ކިޔަންޖެހޭ.

4:33

ރައީސް: ރާއްޖެއަށް އެތެރެކުރަމުން އައިދުންފަތުގެ ބާވަތްތަކުގައި އިންޒާރުގެ މެސެޖު ލިޔެފައިވަނީ ވަރަށް ފަނޑުކޮށް.

4:32

ރައީސް: ދުންފަތަށް ގިނަ އަދަދެއްގެ ފައިސާ ޚަރަދުކުރޭ. މިއަދު އެޅި ފިޔަވަޅަކީ ދުންފަތާމެދު ޢާއްމުން ހޭލުންތެރި ކުރުން.

4:26

މި ޕްރޮގްރާމް ފަށްޓަވައި ތަންފީޒު ކުރައްވަން ފެއްޓެވުމަށްފަހު ވަކިވަކިން ދުންފަތުގެ ބާވަތްތައް ނުވިއްކޭނެ. އަދި ލޭބަލް ނުޖަހާ ވެސް ނުވިއްކޭނެ.

4:25

މި ޕްރޮގްރާމް ފަށްޓަވައި ދެއްވާނީ ރައީސުލް ޖުމްހޫރިއްޔާ.

4:24

ދުންފަތުގެ ބާވަތްތައް ޕެކެޓުކޮށް ލޭބަލް ޖެހުމާބެހޭ ޕްރޮގްރާމް އިފްތިތާހު ކުރުމުގެ ރަސްމިއްޔާތު ފަށައި. މިރަސްމިއްޔާތުގައި ރާއްޖޭގެ ރައީސުމްޖުމްހޫރިއްޔާ އާއި ނާއިބު ރައީސް ބައިވެރިވެ ވަޑައިގަންނަވާ. އަދި ހެލްތު މިނިސްޓަރު ބައިވެރިވެ ވަޑައިގަންނަވާ.