އިލެކްޝަންސް ކޮމިޝަން (އީސީ) ގެ އައު ލޯގޯއާއި ކުލަ މިރޭ އިފްތިތާޙު ކުރައްވައިފިއެވެ.
ލޯގޯއާއި ކުލަ އިފްތިތާޙު ކުރެއްވި އެކަމަށްޓަކައި ހޮޓެލް ޖެންގައި މިރޭ ބޭއްވި ޚާއްސަ ޖަލްސާގައެވެ. ލޯގޯއާއި ކުލަ އިފްތިތާޙު ކޮށްދެއްވީ އީސީގެ ރައީސް އަޙުމަދު ޝަރީފް އާދަމާއި ސިޔާސީ ޕާޓީތަކުގެ އިސް ބޭފުޅުންނެވެ. އައު ކުލައެއްގެ ގޮތުގައި އިލެކްޝަނުން މިރެއިން ފެށިގެން ބޭނުންކުރައްވާނީ ގަދަ ދަނބު ކުލައެވެ.
ޝަރީފް ވިދާޅުވީ ގަދަ ދަނބު ކުލައަކީ އެކޮމިޝަންގެ ރަސްމީކުލަ ކަމަށް ހަމަޖެއްސި ހިސާބުން ސިޔާސީ އެއްވެސް ޕާޓީއަކަށް ދެން އެކުލަ ދުލެއް ނުކުރައްވާނެ ކަމަށެވެ. އަދި ސިޔާސީ ޕާޓީއަކުން އެކުލަ ބޭނުން ކުރުމަކީ މަނާކަމެއްވެސް މެއެވެ. އޭނާ ވިދާޅުވީ ކޮމިޝަންގެ އައު ލޯގޯއަކީ އެތަނުގެ މަސައްކަތް ދައްކުވައިދޭ މާނަ ފުން ލޯގޯއެއް ކަމަށެވެ.
