ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، ހައްދުންމަތީގެ ބައެއް ރަށްރަށަށް ކުރެއްވި ދަތުރުފުޅު ނިންމަވާލެއްވުމަށްފަހު މިރޭ މާލެވަޑައިގެންފިއެވެ.
ރައީސުލްޖުމްހޫރިއްޔާއާއި އަނބިކަނބަލުން ފަޒުނާ އަހުމަދު ލ. އަތޮޅުގެ ބައެއް ރަށްރަށަށް މިކުރެއްވި ޒިޔާރަތުގައި އެމަނިކުފާނު ވަނީ ލ. ގަމުގައި ޓީ. އެފް. ޖީ.ގެ ފަރާތުން ބޭއްވި މެރެތަން ދުވުން ރަސްމީކޮށް ފަށްޓަވައި ދެއްވައިފައެވެ. މީގެއިތުރުން ރައީސުލްޖުމްހޫރިއްޔާގެ ދެކަނބަލުން މިއަދު ވަނީ މެރެތަންގެ ފަސް ކިލޯމީޓަރު ދުވުމުގައި ބައިވެރިވެ ވަޑައިގެންފައެވެ.
މިދަތުރުފުޅުގައި ރައީސުލްޖުމްހޫރިއްޔާވަނީ ހައްދުންމަތީގެ ބައެއް ކައުންސިލްތަކާއި ބައްދަލުކުރައްވައި ބައެއް މުއައްސަސާތަކަށް ޒިޔާރަތްކުރައްވައި ބައެއް މުއައްސަސާތަކުގެ އިސްވެރިންނާ ބައްދަލުކުރައްވާފައެވެ.
