ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް "ފްލެޓްތަކުގެ މައްސަލަބަލާ ކޮމިޓީ" ގެ މެންބަރުކަމަށް ދެ ބޭފުޅަކު ޢައްޔަން ކުރައްވައިފިއެވެ.
އެކޮމިޓީއަށް އައްޔަން ކުރައްވައިފައިވަނީ ގަލޮޅު ނޫމަރާވިލާ އަލްއުސްތާޛާ ޝީރީން ނާހިދާ ލަޠީފާއި، މާފަންނު ގަސީމު، ފާޠިމަތު ރަޝީދާ އެވެ. އެކޮމިޓީއަށް އެދެބޭފުޅުން އައްޔަން ކުރެއްވީ މިމަހުގެ 21 ވަނަ ދުވަހުއެވެ.
މި ދެބޭފުޅުން މި ކޮމިޓީގެ މެންބަރުކަމަށް ޢައްޔަނުކުރައްވާފައިވަނީ އެ ކޮމިޓީގެ މެންބަރުކަމުން އައްޑޫ ސިޓީ މީދޫ، ގްރީންވިލާ ފާޠިމަތު ސާއިރާ،އާއި ގަލޮޅު ދާސްތާން ނުޒްހާ ޢަލީމް އިސްތިޢުފާ ދެއްވާފައިވާތީއެވެ.
"ފްލެޓްތަކުގެ މައްސަލަބަލާ ކޮމިޓީ" މިހާރު ހިމެނި ވަޑައިގަންނަވަނީ މުޙައްމަދު މުޢިއްޒު އަދުނާން، މ.ގުލްފާމްގެ، އަލްއުސްތާޛާ ޝީރީން ނާހިދާ ލަޠީފު، ގ.ނޫމަރާވިލާ، ފާޠިމަތު ރަޝީދާ، މ.ގަސީމު، އަޙްމަދު ޠަލާލް، މއ.އަންޑާޕޫލްއާގެ، އަލްއުސްތާޛު ޢަލީ ޝުހައިލް މުޙައްމަދު، މ.ފެންގަސް އެވެ. އޭނާ އެ ކޮމިޓީގައި ހިމެނިވަޑައިގަންނަވަނީ އެޓަރނީ ޖެނެރަލް އޮފީހުގެ ވަކީލެއްގެ ހައިސިއްޔަތުނެވެ.
