މާލޭ މޭރީ ބްރައުން ކުރިމަތީގައި ހުރި ކުނިތަކެއްގައި ރޯވެއްޖެއެވެ.
މިޙާދިސާގެ މަޢުލޫމާތު ފުލުހުންނަށް ލިބިފައިވަނީ މިރޭ 8:50 ގައި ކަމަށް ފުލުހުން ވިދާޅުވިއެވެ. އެސަރަޙައްދުގައި ރޯވި އަލިފާން އެމްއެންޑީއެފް ފަޔަރުންވަނީ ނިއްވާލައިފައެވެ.
އެމްއެންޑީއެފްގެ ތަރުޖަމާނު ކެޕްޓަން އިބްރާހީމް ޢާޒިމް ވިދާޅުވީ އެ ޙާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަމަށެވެ. ޙާދިސާ ހިނގަން މެދުވެރިވި ސަބަބެއް އަދި އެނގިފައެއް ނުވެއެވެ. އެހެންނަމަވެސް ފުލުހުންނާއި އެމްއެންޑީއެފްގެ ބޭކަލުން އެސަރަޙައްދުގައި ޙަރަކާތްތެރިވަމުން އަންނަކަމަމަށް މަޢުލޫމާތު ލިބިފައި ވެއެވެ.
