އުނގޫފާރު ދާއިރާގެ ކުރީގެ މެމްބަރު ޑރ. އަފްރާޝީމް ޢަލީގެ މަރާ ގުޅިގެން ދެމީހަކު ހޯދުމަށް ގެއްލިފައިވާ މީހުންނާއި މަރާލެވިފައިވާ މީހުންގެ މައްސަލަތައް ބަލާކޮމިޝަނުން ވީޑިއޯއެއް ޢާއްމު ކޮށްފިއެވެ.
ކޮމިޝަނުން އެ ވީޑިއޯ ފުޓޭޖު ޢާއްމުކުރައްވައިފައިވަނީ ޓްވިޓަރ މެދުވެރިކޮށެވެ. އެހެންނަމަވެސް ވީޑިއޯ ބެލުމަށްފަހު ޢާއްމު އެއްވެސް މީހަކަށް އެމީހެއްގެ މޫނެއް އަދި ސައިކަލު ނަމްބަރެއް ވެސް ވަކިވާނެ ކަމަށް ނުބެލެއެވެ.
ގޮތްނޭނގޭ މަރުތަކާއި ގެއްލިފައިވާ މީހުންގެ މައްސަލަތަ ބެލުމަށް ރައީސް އިބްރާހީމް މުޙައްމަދު ޞާލިޙު އެކުލަވާލައްވައިފައިވާ ކޮމިޝަނުން ވިދާޅުވެފައިވަނީ އެ ވީޑިއޯއަކީ ޑރ. އަފްރާޝީމް ޢަލި އަވަހާރަކޮށްލި ރޭ، އެމަނިކުފާނު ދިރިއުޅުއްވި ގެކޮޅު ހ. ފުންވިލު ގޭގެ ކައިރީގައި ހުންނަ ކްރަސްޓީސް ރެސްޓޯރެންޓްގެ ހުޅަނގުގައި ހަރަކާތްތެރިވި ބައެއް ކަމަށެވެ.
އެދެމީހުންނާ ބެހޭ އެއްވެސް މަޢުލޫމާތެއް އެނގޭ ކަމަށްވާނަމަ އެކަން އެކޮމިޝަނާ ޙިއްސާ ކޮށްދެއްވުމަށް ވެސް އެދިވަޑައިގެންފައިވެއެވެ.
