ރ. އުނގޫފާރު ޕޮލިސް ސްޓޭޝަނުން ހިންގި އޮޕަރޭޝަނެއްގައި، މަސްތުވާތަކެއްޗާއެކު ދެ މީހަކު ބަންދު ކޮށްފި ކަމަށް ފުލުހުން ވިދާޅުވެއްޖެއެވެ.
ރ. ހުޅުދުއްފާރަށް މަސްތުވާތަކެތި އެތެރެކުރަން އުޅޭކަމަށް ފުލުހުންނަށް ލިބުނު މަޢުލޫމާތަކާއި ގުޅިގެން ހިންގި މިއޮޕަރޭޝަންގައި ހައްޔަރުކޮށްފައިވަނީ 18 އަހަރުގެ ދެ ކުދިންނެވެ.
މިއަދު ހެނދުނު 8:53 އެހައިކަންހާއިރު ހިންގި މިއޮޕަރޭޝަންގައި، ރ. އަތޮޅުގެ ފަޅުރަށެއް ކައިރިން ޑިންގީއެއްގައި ދަތުރުކުރަމުން ދިޔަ މި ދެމީހުން ފުލުހުގެ ބެލުމުގެ ދަށަށް ގެންގޮސް ބަލައިފާސްކުރި ކުރުމުން މަސްތުވާތަކެތި އަޅައިފައިވާ އެއްޗެއްހުރި ޖޫސްޕެޓީ ކޮތަޅަކާއި މަސްތުވާތަކެތި އަޅައިފައިވާ ފިލްމު ހުސްކުރި ދަޅެއް ފެނިފައިވެއެވެ.
މީގެ އިތުރަށް ކ. ކާށިދޫއިން ވެސް ވަނީ މަސްތުވާ ތަކެއްޗާއެކު 18 އަހަރުން ދަށުގެ ކުއްޖަކު ބަންދުކޮށްފައެވެ. އޭނާ ބަންދުކޮށްފައިވަނީ އެރަށު ބަނދަރު ސަރަޙައްދުންނެވެ.
ފުލުހުން ގެންދަވަނީ މިމައްސަލަތައް ބަލަމުންނެވެ.
