ބ.ދަރަވަންދޫ އެއާޕޯޓު ރަންވޭގެ ހުޅަނގުކޮޅު ވަލުތެރޭގައި އަލިފާން ރޯއްވެއްޖެއެވެ. ފުލުހުން ވިދާޅުވެފައިވަނީ އަލިފާން ރޯވެފައިވަނީ ގާތްގަނޑަކަށް 3000 އަކަފޫޓުގެ ސަރަޙައްދެއްގައި ކަމަށެވެ. މިޙާދިސާގައި އެއްވެސް މީހަކަށް އަނިޔާއެއް ވެފައި ނުވާކަމަސް ވެސް ފުލުހުން ވިދާޅުވިއެވެ.
ރޯވި އަލިފާން ނިއްވާލައިފައިވަނީ އެއާޕޯޓު ފަޔަރ ލޮރީ ބޭނުންކޮށްގެންނެވެ. މި ޙާދިސާ ހިނގުމުން ފުލުހުންނާއި އެރަށު ކައުންސިލުން ވަނީ އެސަރަޙައްދަށް ގޮސްފައެވެ.
މިޙާދިސާގެ މަޢުލޫމާތު ފުލުހުންނަށް ލިބިފައިވަނީ 6:10 ގައެވެ. މި ޙާދިސާ ހިނގަމް މެދުވެރި ސަބަބެއް ފުލުހުން އަދި ހާމައެް ނުކުރެއެވެ.
