އޭދަފުށީގައި ދުއްވަމުން ދިޔަ ކާރެއް ބާރު ސްޕީޑުގައި ދިޔުމުގެ ސަބަބުން ކޮންޓްރޯލުން ނައްޓައިގެން ގޮސް އެރަށު މިސްކިތެއްގެ ތެރެއަށް މިއަދު ވަދެއްޖެއެވެ.
އޭދަފުށިން މައުލޫމާތު ލިބުނު ގޮތުގައި ކާރު ދިޔަލެއް ބާރު ކަމުން ކޮންޓްރޯލު ނުވެގެން ގޮސް މިސްކިތުގެ ހަރިންމަ ފާރުގައި ޖެހި ހަރިންމަ ފާރުވެސް ފުނޑު ފުނޑު ވެގެން ކާރުގޮސް މިސްކިތް ގޯތި ތެރެއަށް ވަނީއެވެ.
މި ހާދިސާގައި ކާރު ދުއްވަން އިން މީހާއަށްވެސް އަދި އެސަރަހައްދުގައި ހުރި އެހެން މީހަކަށްވެސް އެއްވެސް އަނިޔާއެއް ނުވެއެވެ. ނަމަވެސް ކާރަށާއި މިސްކިތުގެ ހަރިންމަ ފާރަށް ވަނީ ގެއްލުންތަކެއް ލިބިފައެވެ. މި އެކްސިޑެންޓް ހިނގީ މިއަދު 10:45 ހާއިރުއެވެ. ފުލުހުން މިހާރު ދަނީ އެމައްސަލަ ބަލަމުންނެވެ.
