މާލެ އަށް ދަތުރުކުރަމުން އައި ލޯންޗެއްގެ އިންޖީނު ހުއްޓިގެން އޭގައި ތިބި މީހުން މާލެ ގެނެސްފި ކަމަށް އެމްއެންޑީއެފުން ވިދާޅުވެއްޖެއެވެ.
އެއީ އެނބޫދޫ ވިލެޖު ރިސޯޓުން ފުރައިގެން މާލެ ދަތުރުކުރި "އެޓޯލް އެކްސްޕްރެސް" ނަމަކަށްކިޔާ ލޯންޗެއް ކަމަށް އެމްއެންޑީއެފުން ވިދާޅުވިއެވެ. އޭގެ އިންޖީން ހުއްޓިފައިވަނީ ވިލިމާލޭގެ ދެކުނުން 1.3 މޭލެ ބޭރުންނެވެ.
އެމްއެންޑީއެފުން ވިދާޅުވެފައިވަނީ އެއިން ދަތުރުކުރި 6 މީހުންނަކީ ބިދޭސީން ކަމަށެވެ. އެމީހުން މާލެ ގެނެސްފައިވަނީ މިރޭ 6:30 ގައި ކަމަށް ވެސް އެމްއެންޑީއެފުން ވިދާޅުވެފައިވެއެވެ.
ލޯންޗު މާލެގެނައިތޯ ނުގެންނަތޯ އެމްއެންޑީއެފުން ވިދާޅުވެފައެއް ނުވެއެވެ.
