ހުވަދުއަތޮޅު އުތުރުބުރީ މާމެންދޫގައި ހިނގި ސައިކަލް އެކްސިޑެންޓެއްގައި މީހަކު މަރުވެއްޖެއެވެ.
ދުއްވައިފައި ދިޔަ ދެ ސައިކަލް ޖެހިފައިވަނީ އެރަށު ބަނދަރުސަރަޙައްދުންނެވެ. މި އެކްސިޑެންޓުގައި މަރުވި މީހާއަށް ވަނީ ސީރިއަސް އަނިޔާތަކެއް ވެސް ލިބިފައެވެ. މަރުވި މީހާ އިން ސައިކަލް ދުއްވަން އިނީ 21 އަހަރުގެ ޒުވާނެކެވެ. އޭނާއަށް ވެސް ވަނީ އެކިވަރުގެ އަނިޔާ ލިބިފައެވެ. އގ. ވިލިގިލީ ހޮސްޕިޓަލުން އޭނާއަށް ފަރުވާ ދެމުންދާ ކަމަށް މަޢުލޫމާތު ލިބިފައިވެއެވެ.
އެކްސިޑެންޓުވި އެނެއް ސައިކަލުގައި ތިބި މީހުންނަށް ވެސް ކޮންމެވެސް ވަރެއްގެ އަނިޔާތަކެއް ވަނީ ލިބިފައި ކަމަށް އެނގިފައިވެއެވެ. އެހެންނަމަވެސް އެމީހުންނަށް ލިބުނު އަނިޔާގެ އެއްވެސް މަޢުލޫމާތެއް ލިބިފައެއް ނުވެއެވެ.
