ހައްދުފަހަނައަޅާފައިވާ އައިއެސްގެ ބާރުގެދަށުން އިރަޤުގެ ފައްލުޖާ ސަލާމަތްކުރުމަށް އިރާޤުސިފައިން ކުރި ހަނގުރާމަ ކާމިޔާބުކަމަށާ، މިހާރު ފައްލޫޖާ އަލުން އަތުލެވިއްޖެކަމަށް އިރާޤުގެ ބޮޑުވަޒީރު، ހައިދަރު އަލް އަބާދީ ވިދާޅުވެއްޖެއެވެ.
އިރާޤުގެ ޤައުމީޓީވީ މެދުވެރިކޮށް އަބާދީ ޢިއުލާންކުރައްވާފައިވާގޮތުގައި، އިރާޤުގެ ސަލާމަތީ ޞާރުތަކުން ކުރި ހަނގުރާމާގައި މިހާރު ވަނީ ގާތްގަނޑަކަށް މުޅި ފައްލޫޛާ އެމީހުންގެ ކޮންޓްރޯލްގެދަށަށް ގެނެފިފައެވެ. އެހެންނަމަވެސް އަދިވެސް ފައްލޫޖާގެ ވަރަށްކުޑަ ސަރަހައްދެއް އައިއެސް ގެ ބާރުގެދަށުގައި އެބައޮތްކަމަށް އަބާދީ ވިދާޅުވިއެވެ.
ވެރިރަށް ބަޣުދާދުގެ ހުޅަނގުން 30 މޭލު ދުރުގައި އޮންނަ ފައްލޫޖާ އައިއެސްގެ ބާރުގެ ދަށަށް ގެންދިޔައީ 2014 ވަނަ އަހަރުގެ ޖެނުއަރީ މަހުއެވެ. އޭގެ ފަހުން އިރާގުގެ ހުޅަނގާއި ދެކުނުން ބޮޑު ސަރަހައްދެއް ވަނީ އައިއެސްގެ ބާރުގެދަށުގައެވެ.
ފައްލޫޖާ އިރާޤު ސިފައިންނަސް ހިފިއްޖެކަން ރަމްޒުކުރުމުގެގޮތުން އެސިޓީގެ އުސް ޢިމާރާތެއްގައި މިޙާރު އިރާޤުގެ ދިފަވެސް ނަގާފައިވެއެވެ.
