ޖަލުތަކުގެ ޙާލަތު ބަލައި އިޞްލާޙު ކުރުމަށްޓަކައި ޖަލުތަކުގެ އޯޑިޓް ކޮމިޝަނެއް ހޯމް މިނިސްޓަރު ޝައިޚް ޢިމްރާން ޢަބްދުﷲ އަންގާރަ ދުވަހު އެކުލަވައިލައްވައިފިއެވެ.
ޖަލުތަކުގެ ކަންކަން އިޞްލާޙުކޮށް ޤައިދީންގެ ޙައްޤުތައް ކަށަވަރު ކޮށްދެއްވާނެ ކަމަށް ރައީސް އިބްރާހީމް މުޙައްމަދް ޞާލިޙް ވަނީ ކެންޕޭން ދުވަސްވަރު ވިދާޅުވެފައެވެ. ހޯމް މިނިސްޓްރީ އިން އަންގާރަ ދުވަހު ނެރެއްވި ނޫސް ބަޔާނެއްގައި ވިދާޅުވެފައިވާ ގޮތުގައި ޖަލުތަކުގެ އޯޑިޓް ހެދުމަކީ ރައީސްގެ ފުރަތަަމަ 100 ދުވަހުގެ ވަޢުދު ތެރޭގައި ހިމެނޭ ކަމެކެވެ.
މިއަދު އެކުލަވައިލެއްވި ކޮމެޓީގައި 7 މެންބަރަކު ހިމެނެއެވެ. އެ ހަތް މެންބަރުންނަކީ ސ.ހިތަދޫ ތެވެލި ޑރ. ޢަބްދުﷲ އިސްނީން ސަޢީދާއި. ހުޅުމާލޭ ފްލެޓް 23-3-07 އައްޝައިޚް އަޙްމަދް ޢަބްދުލްކަރީމާއި، މއ.ބޯގަންވިލާ ޝަހިންދާ އިސްމާޢީލް އާއި ރ ކަނދޮޅުދޫ ރިހިތަޅާގޭ އަޙްމަދް މުޙައްމަދު ފުޅާއި، ގ. މާލެހިޔާ-2 އަލްއުސްތާޒާ ޒުލައިޚާ ދާއޫދާއި، އދ. ދަނގެތީ ސާތީ ޝަދިޔާ އާދަމާއި ޏ.ފުވައްމުލަކު މާބުޅާގޭ އާމިނަތު ނާހީން އަޙްމަދް އެވެ.
