މާލެ، މ.ހާޑްރޮކް ގޭގައި އަލިފާނުގެ ޙާދިސާއެއް ހިނގައިފިއެވެ. އެގޭ ދެވަނަބުރީގައި މިރޭ ހިގި އަލިފާނުގެ ޙާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.
މިހާދިސާގައި އަލިފާން ރޯވެފައި ވަނީ މ.ހާޑްރޮކްގެ ދެވަނަ ފަންގިފިލާގެ ކަރަންޓް ސޮކެޓެއްގައެވެ. މި ސޮކެޓްގައި ރޯވި އަލިފާނުގެ އަސަރު އެ އިމާރާތުގެ އިތުރު ފަންގިފިލާތަކަށް ވަނީ ކޮށްފައި ކަމަށް އެމްއެންޑީއެފުން ވިދާޅުވެފައިވެއެވެ. ޙާދިސާގެ މަޢުލޫމާތު ލިބުމުން ސިފައިންވަނީ އެގެއަށްގޮސް އަލިފާން ނިއްވައިފައެވެ.
އެމްއެންޑީއެފް ފަޔަރ އެންޑް ރެސްކިއު ސަރވިސްގެ ފަޔަރފައިޓަރުން ގޮސް ކުރި މަސައްކަތުން ރޯވެފައިވާ އަލިފާން އެއްކޮށް ނިއްވާލާފައި ވަނީ މިރޭ 00:57 ހާއިރުއެވެ.
