ހުވަދުއަތޮޅު ދެކުނުބުރީ "އައުޓްރިގާ ކޮނަންޓާ މޯލްޑިވްސް ރިސޯރޓް" ކައިރީގައި އެންދަމަން އުޅުނު "ހުޝިޔާރު" ދޯނިން އެންހިފަން ވައިފުޅި އަޅައިގެން ފޭބި މީހުންގެ ތެރެއިން 24 އަހަރުގެ ޝާކިރު މާލެ ގެންގޮސް އައިޖީއެމްޗުގައި ފަރުވާދޭން ފަށައިފިއެވެ.
އޭނާ އައިޖީއެމްއެޗަށް ގެންގޮސް ފަރުވާދޭން ފަށައިފައިވަނީ އިރުއޮއްސި 6:45 އެހައިކަންހާއިރު ކަމަށް އެމްއެންޑީއެފުން ވިދާޅުވިއެވެ. ކުރިން ހަމަޖެހިފައިއޮތީ އޭނާ ބަނޑޮސް އައިލެންޑް ރިސޯޓަށް ގެންގޮސް އެތަނުގެ ޗެމްބަރަށްލައިގެން ފަރުވާދޭ ގޮތަށެވެ. އެހެންނަމަވެސް ފަހުން އެގޮތް ބަދަލުކޮށް މިހާރު ގެންދަނީ އޭނާއަށް އައިޖީއެމްއެޗުން ފަރުވާ ދެމުންނެވެ.
މިޙާދިސާގައި އެންހިފަން 4 މީހުން ފުޅިއަޅައިގެން ފީނިއެވެ. އޭގެ ތެރެއިން ޙާލު ދެރަވެ ގދ. ތިނަދޫ ޑރ. ޢަބްދުއްޞަމަދު މެމޯރިއަލް ހޮސްޕިޓަލުން ފަރުވާ ހޯދުމަށް ގެންދިޔައީ ތިން މީހުންނެވެ. އޭގެ ތެރެއިން އެކަކު މަރުވެފައެވެ. އަނެއްމީހާގެ ޙާލު ރަނގަޅު ކަމަށް ވަނީ މަޢުލޫމާތު ލިބިފައެވެ.
