ރައީސް އިބްރާހިމް މުހައްމަދު ސޯލިހްގެ ކެބިނެޓުގެ 19 ވަޒީރުންނަށާއި، ދައުލަތުގެ ބަންޑާރަ ނާއިބަކަށް އައްޔަން ކުރައްވައިފައިވާ އިބްރާހިމް ރިފްޢަތަށް ރައްޔިތުންގެ މަޖިލީހުން މިއަދު ރުހުން ދެއްވައިފިއެވެ.
މި ބޭފުޅުންނަށް ރުހުން ދެއްވުމުގެ ވޯޓު ނަގައިފައިވަނީ ކޮންމެ ބޭފުޅަކަށް ވެސް ވަކިންނެވެ.
ވަޒީރުންނަށް މިއަދު ރުހުން ދެއްވިއިރު ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީން ކުރިންވެސް ވަނީ ހުރިހާ ވަޒީރުންނަށް ރުހުން ދެއްވުމަށް ފާސް ކުރައްވައިފައެވެ.
އެ ކޮމިޓީން ވަޒީރުންގެ ނަންތައް ދިރާސާ ކުރެއްވުމަށްފަހު މަޖިލީހުގެ ތަޅުމަށް ފޮނުވި ރިޕޯޓަށް ބަހުސް ކުރައްވަމުން އެކޮމިޓީގެ މުޤައްރިރު ވިލުފުށީ ދާއިރާގެ މެމްނަރު ރިޔާޒު ރަޝީދު ވިދާޅުވީ ރައީސް އިބްރާހީމް މުޙައްމަދު ޞާލިޙުގެ ކެބިނެޓަކީ ޤާބިލް ބޭފުޅުންގެ މައްޗަށް އެކުލެވޭ ކެބިނެޓެއް ކަމަށެވެ.
އެބޭފުޅުންނަށް ރުހުން ދެއްވުމަށް ނިންމަވައި މެމްބަރުން ވިދާޅުވީ ރުހުން ދެއްވުމަށްފަހު އެބޭފުޅުން ޒިންމާދާރު ކުރުވުމަކީ ވެސް މަޖިލީހުން ކުރަންޖެހޭ ކަމެއް ކަމަށެވެ. އެކަން ކުރުމަށްޓަކައި އެބޭފުޅުން މަޖިލީހަށް ހާޒިރުކޮށް ޖަވާބުދާރީ ކުރުވަންޖެހޭނެ ކަމަށް ވެސް މެމްބަރުން ވިދާޅުވިއެވެ.
ރައީސް އިބްރާހީމް މުޙައްމަދު ޞާލިޙުގެ ކެބިނެޓުގައި ހިމެނިވަޑައިގަންނަވާ ވަޒީރުންނަކީ ޑިފެންސް މިނިސްޓަރ، މާރިޔާ އަޙުމަދު ދީދީ، ފޮރިން މިނިސްޓަރ ޢަބްދުﷲ ޝާހިދު، ހޯމް މިނިސްޓަރ ޢިމްރާން ޢަބްދުﷲ، ފިނޭންސް މިނިސްޓަރ އިބްރާހީމް އަމީރު، ނޭޝަނަލް ޕްލޭނިން އެންޑް އިންފްރާސްޓްރަކްޗަރ މިނިސްޓަރ މުޙައްމަދު އަސްލަމް، ހެލްތު މިނިސްޓަރ ޢަބްދުﷲ އަމީން، ކޮމިއުނިކޭޝަން ސައިންސް އެންޑް ޓެކްނޮކޮލޮޖީ މިނިސްޓަރ މުޙައްމަދު މަލީހް ޖަމާލު، ހަޔަރ އެޑިއުކޭޝަން މިނިސްޓަރު ޑރ. އިބްރާހީމް ޙަސަނާއި، އެޑިއުކޭޝަން މިނިސްޓަރ ޑރ. ޢާއިޝަތު އަލީ، ޓްރާންސްޕޯޓް މިނިސްޓަރ ޢާއިޝަތު ނަހުލާ، ހެރިޓޭޖް އެންޑް ކަލްޗަރ މިނިސްޓަރ ޔުމްނާ މައުމޫން، ޓޫރިޒަމް މިނިސްޓަރ ޢަލީ ވަޙީދު، އިކޮނޮމިކް މިނިސްޓަރ ފައްޔާޒް އިސްމާޢީލް، ފިޝަރީޒް މިނިސްޓަރ ޒަހާ ވަޙީދު، އިސްލާމިކް އެފެއާޒް މިނިސްޓަރ ޑރ. އަޙުމަދު ޒާހިރު، ހައުސިން މިނިސްޓަރ އާމިނަތު އާތިފާ ޝަކޫރު، ޔޫތު މިނިސްޓަރ އަޙުމަދު މަހްލޫފް، ޖެންޑާ އެންޑް ފެމިލީ މިނިސްޓަރ ޝިދާތާ ޝަރީފް، އެންވަޔަރްމަންޓް މިނިސްޓަރ ޑރ. ޙުސައިން ރަޝީދު ހަސަނެވެ. ބަންޑާރަ ނާއިބަކީ އިބްރާހީމް ރިފްޢަތެވެ.
