އެއްވެސް ޙާލަތެއް މެދުވެރިވެގެންވެސް ކުރީގެ ރައީސް މައުމޫން އަބްދުލްގަތްޔޫމަށް ޕީޕީއެމް ލިބިވަޑައިގެންފިނަމަ ޕީޕީއެމްގައި ނުހުންނަވާނެ ކަމަށް ޕީޕީއެމްގެ މެމްބަރެއްގެ ގޮތުގައި މިވަގުތު ހުންނެވި ރައްޔިތުންގެ މަޖިލީހުގެ ނައިބު ރައީސް މޫސާ މަނިކު ވިދާޅުވެއްޖެއެވެ.
މަޖިލީހުގެ ޖަލްސާގައި ވާހަކަ ދައްކަވަމުން މޫސަ ވިދާޅުވީ ޕީޕީއެމްގެ ވެރިޔަކު ނޭނގޭ ހިސާބަށް މިހާރު ކަންކަން ވެގެންގޮސްފައިވާ ކަމަށާއި، ނަމަވެސް ރާއްޖޭގައި އިދިކޮޅު ސިޔާސީ ޕާޓީއެއް އޮންނަންޖެހޭނެ ކަމަށެވެ. މޫސަ ވިދާޅުވީ އިދިކޮޅު ސިޔާސީ ޕާޓީއެއް އޮތަނުދޭން ބަޔަކު މަސައްކަތް ކުރާތަން ފެންނަ ކަމަށާއި ނަމަވެސް ޑިމޮކްރަސީގައި ސަރުކާރު ޒިންމާދާރު ކުރުވާނެ ވަރުގަދަ އިދިކޮޅު ޕާޓީއަކަށް ފުރުޞަތު އޮންނަން ޖެހޭނެ ކަމަށެވެ.
މޫސަ ވަނީ އެމްޑީޕީގެ ރައީސް އަދި ކުރީގެ ރައީސް މުޙަންމަދު ނަޝީދަށް އަމާޒު ކުރައްވައި ވަރަށް ބޮޑަށް ފާޑު ވިދާޅުވެފައެވެ. އެގޮތުން ރާއްޖޭގައި ދިކޮޅު ސިޔާސީ ޕާޓީއެއް އޮތުމުން ރައީސް ނަޝީދަށް "ހަޖަމް ނުވެގެން" އުޅުއްވާ ކަމަށް މޫސަ ވިދާޅުވިއެވެ.
މޫސަ ވިދާޅުވީ ކުރީގެ ސަރުކާރަށް ނިސްބަތްވާ ބަޔެއް މީހުން ވަޒީފާއިން ވަކި ކުރަމުންދާ ކަމަށާއި ނަމަވެސް ރައީސް އަބްދުﷲ ޔާމީނަށް ވޯޓުދިން 96 ހާސް މީހުންގެ ހައްގުތައްވެސް ނިގުޅައިގަނެގެން ނުވާނެ ކަމަށެވެ.
ދެއްވާފައެވެ.
LIBUNAS NULIBUNAS KALEY VAKIVAANE THEE MASHOORU REEKO MOOSA EHNUN KOBA LADHUHAYAATH.