ސިފައިންނަށް ޚާއްސަ ސެނަހިޔާ ހޮސްޕިޓަލުގެ އޮޕަރޭޝަން ތިއޭޓަރާއި ޖެނެރަލް ވޯޑު މިއަދު ހުޅުވައިފިއެވެ.
އެ ހޮސްޕިޓަލުގައި މިއަދު ބޭއްވި ރަސްމިއްޔާތުގައި އެތަން ހުޅުވައްވައި ދެއްވީ މިނިސްޓަރ އޮފް ޑިފެންސް މާރިޔާ އަޙުމަދު ދީދީއެވެ.
މިއަދު ހުޅުވި އޮޕަރޭޝަން ތިއޭޓަރަކީ ޒާމާނީ އާލާތްތައް ހިމެނޭ ފެންވަރު ރަނގަޅު ތިއޭޓަރެކެވެ.
ސެނެހިޔާ ހޮސްޕިޓަލުގައި މިއަދު ހުޅުވި ޖެނެރަލް ވޯޑުގައި ހުންނަނީ 10 އެނދެވެ. އައިސީޔޫގައި 2 އެނދެވެ. އޭގެ އިތުރަށް އޮބްޒަރވޭޝަން ރޫމުގައި 4 އެނދު ވަނީ ބަހައްޓަވައިފައެވެ. އެތަނުން އާސަންދައިގެ ޚިދުމަތް ވެސް ލިބޭނެކަމަށާއި އާންމުންނަށް ވެސް އެޚިދުމަތް ލިބޭނެ ކަމަށް އެމްއެންޑީއެފުން ވިދާޅުވިއެވެ.
އެ ހޮސްޕިޓަލަކީ މިހާރުވެސް އެކްސްރޭގެ ޚިދުމަތާއި، ލެބޯޓަރީގެ ޚިދުމަތާއި، ފާމަސީއެއްގެ ޚިދުމަތް ދެމުންގެންދާ ތަނެކެވެ.
