އަންހެނުންނަށް ކުރާ އަނިޔާ އާއި ދެކޮޅަށް ބައިނަލް އަގުވާމީ ފެންވަރު ގައި ކުރިއަށް ގެންދާ "16 ޑޭސް އޮފް އެކްޓިވިޒަމް"، 16 ދުވަހުގެ ޙަރަކާތް ކެޕްޕޭން ރާއްޖޭގައި ވެސް އިފްތިތާޙު ކޮށްފިއެވެ. މި ކެމްޕޭން އިފްތިތާހު ކޮށްދެއްވީ މިނިސްޓަރ އޮފް ޖެންޑަރ، ފެމިލީ، އެންޑް ސޯޝަލް ސަރވިސެސް ޝިދާތާ ޝަރީފް އެވެ. ކެމެޕޭން އާއި އެކު ކެމްޕޭނުގައި ބޭނުންކުރާ ބެނަރ ވެސް މިނިސްޓަރ ވަނީ އިފްތިތާޙު ކޮށްދެއްވާފައެވެ.
ކެމްޕޭން އިފްތިތާޙު ކުރުމަށް މިއަދު މިނިސްޓްރީގައި ބޭއްވި ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރ ޝިދާތާ ވިދާޅުވީ އަނިޔަ ލިބޭ އަންހެނުންނަށް ހުރިހާ މަރުހަލާއެއްގައި ވެސް އެހީތެރިކަން ލިބެންޖެހޭ ކަމަށެވެ. އަދި ވަކީން ޚާއްޞަކޮށް އެފަދަ މައްސަލަ ތަކުގައި ކަމާއި ބެހޭ މުއައްސަސާ ތަކުން ޚާއްޞަ ސަމާލު ކަމެއް ދެއްވާން ޖެހޭ ކަމަށް ވެސް މިނިސްޓަރ ވިދާޅުވިއެވެ. މިނިސްޓަަރ ވިދާޅުވި ގޮތުގައި އަނިޔާ ލިބޭ ފަރާތަތަކަށް އާއިާޅގެ ތެރެއިންނާއި، ރައްޓެހީންގެ ފަރާތުންނާއި ޖުމްލަކޮށް މުޅި މުޖްތަމަޢުގެ ތެރެއިން އެހީތެރިކަން ލިބެންޖެހެއެވެ.
އަންހެނުންނާއި އަންހެން ކުދީންނަށް ކުރާ އަނިޔާ އާއި ދެކޮޅަށް ހިންގާ ޙަރަކާތަކީ ކޮންމެ އަހަރަކު ނޮވެންބަރު މަހުގެ 25 އިން ޑިސެނަބަރު މަހުގެ 10ވަނަ ދުވަހާއި ހަމައަށް ދުނިޔޭގެ ހުރިހާ ގައުމެއްގައި ކުރިއަށް ގެންދާ 16 ދުވަހުގެ ޙަރަކާތެކެވެ. މި ހަރަކާތާށް އ.ދ. އިން މިއަހަރަށް ކަނޑައަޅާފައިވަ ޝިޢާރަކީ “#HearMeToo: Violence Against Women and Girls’ (އަހަރެންގެ އަޑުވެސް އަހާށެވެ. އަންހެނުންނައި އަންހެން ކުދީންނަށް ކުރާ އަނިޔާ އާއި ދެކޮޅަށް) އެވެ.
މި ޝިއާރުގެ މައްޗަށް އަލިއަޅުވައި މިނިސްޓަރ ވިދާޅުވީ މި ޝިޢާރުގެ ބޭނުމަކީ އަންހެނުންނާއި އަންހެން ކުދީންނަށް ކުރާ އަނިޔާ އާއި ދެކޮޅަށް އަޑު އުފުލާ ފަރާތްތަކާއި، އެ ހައްޤުތަކަށް މަސައްކަތް ކުރާ ފަރާތްތަކާ ގުޅިގެން އަންހެނުނަށް ކުރެވޭ އަނިޔާ ހުއްޓުުވުމަށް ބާރު އެޅުމާއި، ކަމާ ގުޅޭ ސިޔާސަތުތައް ތަންފިޒު ކުރާ ފަރާތްތަކުގެ މެދުގައި ޑައިލޮގެއް އުފެއްދުން ކަމަށެވެ.
އޮކްޓޯބަރު މަހު މިނިސްޓްރީ އަށް ހުށަހެޅުނު އެބާވަތުގެ 29 މައްސަލައިގެ ތެރެއިން 25 މައްސަލައަކީ އަންހެނުންނާ ގުޅުން ހުރި މައްސަލަތައް ކަންވެސް ޝިދާތާ ވަނީ ފާހަގަކުރައްވާފައެވެ. އަދި އަންހެނުންނަށް އަނިޔާ ކުރުމަކީ މުޖްތަމއޫގައި ނުހިނގާ ކަމެއްގެ ގޮތުގައ ބައެއް ފަރާތްތަކުން ދެކޭތީީ އެކަމަނާ ވަނި ކަންބޮޑުވުން ފާޅުކުރައްވާފައެވެ،
ދުވަހުގެ މުނާސަބާގައި މިނސްޓަރ ޝިދާތަ މިއަދު ކުރައްވި ޓުވީޓެއްގައި ވިދާޅުވީ މިއަހަރުގެ މިހައިތަނަށް 1400 މައްސަލައެއް މިނިސްޓްރީ އަށް ހުށަހަޅާފައިވާ އިރު އޭގެ ތެރެއިން 60 އިންސައްތަ މައްސަލަ އަކީ އަންހެނުންނާއި އަންހެނުން ކުދީންނާ ގުޅުން ހުރި މައްސަލަތައް ކަމަށެވެ.
"16 ދުވަހުގެ ޙަރަކާތް"، ކުރިއަށް ގެންދިއުމަށް މިނިސްޓްރީ އިން ތަފާތު ޙަރަކާތްތައް ރާވާފައިވެއެވެ. އެގޮތުން މުޖްތަމަޢުގައި ހޭލުންތެރިކަން އިތުރު ކުރުމަށް ސޯޝަލްމީޑިއާގައި ޚާއްޞަ ކެންޕޭނެއް ކުރިއަށް ގެންފިއުމާއި ވިލިމަލޭގެ ޒުވާނުންނަށް އަމާޒުކޮށްގެން އަންހެނުންނާއި އަންހެން ކުދީންނަށޤ އަދި ވަކި ޖިންސަކަސް ވީތީ ކުރާ އަނިޔާ އާއި ގުޅޭގޮތުން ހޭލުންތެރި ކުރުވުމުގެ ސެޝަންތަކެއް ކުރިއަށް ގެންދިއުމާއި، ކެންޕޭން ނިންމާ ދުވަހު ޚާއްބަ ރަސްމިއޔާތެއް ބާއްވާނެ ކަމަށް މިނސިްޓްރީ އިން ވަނީ ހާމަކުރައްވާފައެވެ.
Minister @shidhatha launches special banner and delivers statement to inaugurate #16DaysOfActivism Campaign. #OrangeMaldives #HearMeToo #16Days https://t.co/Nkw19c2siR pic.twitter.com/whQmjRrB0F
— Ministry of Gender, Family and Social Services (@MoGFSSmv) November 25, 2018
