އައްޑޫސިޓީ ހިތަދޫ ގެއަކަށް ބަޔަކު ވަދެ ގެއްލުންދިން މައްސަލައެއްގައި ދެމީހަކު ބަންދު ކޮށްފި ކަމަށް ފުލުހުން ވިދާޅުވެއްޖެއެވެ.
އެހެންނަމަވެސް އެ މައްސަލައަކީ ތަޙުޤީޤު ކުރައްވަމުން ގެންދަވާ މައްސަލައަކަށްވާތީ އިތުރު މަޢުލޫމާތެއް ފުލުހުން ދީފައެއް ނުވެއެވެ އެކަމަކު އިތުރު ދެ ގެއަކަށް ގެއްލުންދީ ބަދިއެއްގެ ގޮތުގައި ބޭނުން ކުރަމުންދިޔަ ތަނެއްގައި ރޯކޮށްފައިވާ ކަމަށް މަޢުލޫމާތު ލިބިފައިވެއެވެ. މި ކަމާ ގުޅިގެން ފުލުހުންނާ ސުވާލު ކުރުމުން ތަކުރާރު ކޮށް ވިދާޅުވީ "ގެއަކަށް ވަދެ ގެއްލުންދިން މައްސަލައެއްގައި ދެމީހަކު ބަންދު ކޮށްފިން" ކަމަށެވެ.
މިހާދިސާގައި އެގެއަށް މާބޮޑު ގެއްލުމެއް ލިބިފައި ނުވާކަމަށް ވެސް މަޢުލޫމާތު ލިބިފައިވެއެވެ.
މަޢުލޫމާތު ލިބިފައިވާ ގޮތުގައި މިހާދިސާގެ ތެރޭގައި ކުޑަކުއްޖަކަށް ފިޓް ޖެހި ހިތަދޫރީޖަނަލް ހޮސްޕިޓަލުން ވަރުވާ ހޯދަންޖެހިފައިވެއެވެ. އެހެންނަމަވެސް އެކަން ވެސް ފުލުހުން ކަށަވަރު ކޮށެއް ނުދެއްވިއެވެ. ހިތަދޫ ރީޖަނަލް ހޮސްޕިޓަލް (އެޗުއާރުއެޗު) އިން ވެސް ވިދާޅުވީ އެފަދަ ކަމެއްގައި ކުއްޖަކު ހޮސްޕިޓަލަށް ގެނެސްފައި ނުވާކަމަށެވެ.
އެމްއެންޑީއެފުން ވިދާޅުވެފައިވަނީ މިއަދު ހެނދުނު 6:03 އެހައިކަންހާއިރު ހިތަދޫ ކައުސަރު ހިޔާ ނަމަކަށްކިޔާ ގެއެއްގެ ޓިނު ބަދިގެއެއްގައި ރޯވެފައިވާ ކަމަށެވެ. 6:28 ގައި ސިފައިންވަނީ އެ އެލިފާން ނިއްވައިފައި ކަމަށް ވެސް އެމްއެންޑީއެފުން ވިދާޅުވިއެވެ. އެހިދިސާގައި ބަދިއަށް ބޮޑެތި ގެއްލުން ވެފައިވާ ކަމަށެވެ. އެހެންނަމަވެސް އެއްވެސް މީހަކަށް އަނިޔާއެއް ލިބިފައި ނުވާކަމަށް ވެސް އެމްއެންޑީއެފުން ވަނީ ވިދާޅުވެފައެވެ.
