އައްޑޫސިޓީ މަރަދުއާއި ހިތަދުއާ ދެމެދު އޮންނަ ގައުކެނޑި ބްރިޖު ނުވަތަ ކޯޒްވޭ ކައިރިއަށް މޫދަށް އެރިއުޅުނު ތިންކުދިންގެ ތެރެއިން ގެނބުނު ކުއްޖާ ނިޔާވެއްޖެއެވެ.
ހިތަދޫ ރީޖަނަލް ހޮސްޕިޓަލުން ވިދާޅުވީ އެކުއްޖާ ހޮސްޕިޓަލަށް ގެނައި އިރުވެސް ވަނީ ނިޔާވެފައި ކަމަށް ޑޮކްޓަރުން ދެންމެ ކަށަވަރު ކޮށްދީފި ކަމަށެވެ.
އެކުއްޖާ ގެއްލިގެން އެމްއެންޑީއެފަށް ރިޕޯޓު ކޮށްފައިވަނީ މިއަދު 2:43 އެހައިކަންހާއިރުއެވެ.
މަޢުލޫމާތު ލިބުމާއެކު އެމްއެންޑީއެފްގެ ސަދަން އޭރިއާގެ ކޯސްޓްގާޑުގެ ޑައިވަރުން ވަނީ އޭނާ ހޯދުމުގެ މަސައްކަތް ފަށައިފައެވެ. އެކުއްޖާ ފެނިފައިވަނީ އެމްއެންޑީއެފް ކޯސްޓްގާޑުގެ ޑައިވަރުންނަށެވެ. އެހެންނަމަވެސް އޭނާ ފެނުނީ ކޮން ސަރަހައްދަކުން ކަމެއް ސިފައިން ވިދާޅެއް ނުވެއެވެ.
މިހާދިސާގައި ނިޔާވެފައިވަނީ ގއ. ދާންދޫ، ޖަވާހިރުމާގޭ، އަޙުމުދު ޖައިޝަމެވެ.
