އެމެރިކާ ސަރުކާރުން ރާއްޖެއަށް އަލަށް ކަނޑައެޅުއްވި ސަފީރު އަލައިނާ ޓެޕްލިޒް އޭނާގެ މަޤާމުގެ ފަތްކޮޅު، ރައީސް އިބްރާހީމް މުޙައްމަދު ޞާލިޙަށް މިއަދު އަރުވައިފި އެވެ.
މި ރަސްމިއްޔާތު އޮތީ މިއަދު ހެނދުނު ރައީސް އޮފީހުގައެވެ. ޓެޕްލިޒް އެކަމަނާގެ ފަތްކޮޅު އެރުއްވުމަށްފަހު ވަނީ ރައީސް ޞާލިޙާ ބައްދަލު ކުރައްވައިފައެވެ. އެދެބޭފުޅުންގެ ބައްދަލުވުމުގައި ވަނީ ދެޤައުމުގެ ގުޅުން ބަދަހި ކުރެއްވުމާ ބެހޭ ގޮތުން މަޝްވަރާ ކުރައްވައިފައެވެ. މި ބައްދަލުވުމުގައި ފޮރިން މިނިސްޓަރު ޢަބްދުﷲ ޝާހިދު ބައިވެރިވެވަޑައިގެންނެވިއެވެ.
މިއީ، ރައީސް ޞާލިޙު މަޤާމާ ޙަވާލުވެ ވަޑައިގެންނެވިފަހުން ޤައުމެއްގެ ސަފީރަކު ފަތްކޮޅު އެމަނިކުފާނަށް އެރުވި ފުރަތަމަ ފަހަރެވެ.
