ދިވެހި ރައްޔިތުންގެ ޕާޓީ (ޑީއާރުޕީ)ގެ ލީޑަރު އަދި ރާއްޖެއިން ތައިލެންޑަށް ކަނޑައަޅުއްވާފައި ހުންނަވާ ސަފީރު ކާނަލް މުހައްމަދު ނަޝީދުއަށް ހަމަލާދީފިއެވެ. .
ކާނަލް ނަޝީދާ ޙަވާލާ ދެއްވައި ސަންގައި ބުނެފައިވަނީ ނަޝީދަށް ޙަމަލާ ދީފައިވަނީ މާފަންނުގައި ހުންނަ ކެފޭއެއްގެ ކަރީގައި ހުންނަވަނިކޮށް ކަމަށެވެ.
"ދެ ތިން މީހަކު އައިސް ހަމަލާ ދިނީ. ފުރަތަމަ އެ މީހުން އައިސް ބިއްލޫރި ތައްޓެއް އެއްލީ. ދެން ނިކުތީ ޕްލާސްޓިކް ގޮނޑި ހިފައިގެން ތަޅަން. " ކާނަލް ވިދާޅުވި ކަމަށް ސަންގައި ބުނެފައިވެއެވެ.
އެ ޙަމަލާގައި ނަޝީދުގެ ކަކުލަށާއި، އަތަށް ކުދިކުދި އަނިޔާ ލިބިފައިވާ ކަމަށްވެސް ނަޝީދު ވިދާޅުވެފައިވެއެވެ.
މި މައަސަލައާ ގުޅިގެން ފުލުހުން ވިދާޅުވީ އެފަދަ ކަމެއް ފުލުސް އޮފީހަށް އަދި ރިޕޯޓުކޮށްފައި ނުވާކަމަށެވެ.
