ޖުމްހޫރީޕާޓީގެ ޕާލަމެންޓްރީ ގްރޫޕްގެ ލީޑަރު ކަމުން ޤާސިމް އިބްރާހިމް މިއަދު އިސްތިއުފާ ދެއްވައިފިއެވެ.
ޕީޖީ ލީޑަރުކަމުން އިސްތިއުފާ ދެއްވިކަން ޤާސިމް ހާމަކުރެއްވީ ކުރީގެ ޑިފެންސް މިނިސްޓަރު ރިޓަޔަރޑް ކާނަލް މުޙައްމަދު ނާޒިމް ޖޭޕީއަށް ސޮއިކުރެއްވުމަށް އެޕާޓީގެ އޮފީހުގައި ބޭއްވި ރަސްމިއްޔާތުގައި ވާހަކަ ދައްކަވަމުންެވެ.
ޤާސިމް ވިދާޅިވީ ޖޭޕީގެ ޕީޖީ ލީޑަރު ކަމުން އިސްތިއުފާ ދެއްވީ ރައްޔިތުންގެ މަޖިލީހުގެ ރައީސަކަށް އެމަނިކުފާނު އިންތިޚާބުވެ ވަޑައިގެންނެވުމުން ކަމަށެވެ. ޤާސިމަކީ ޖޭޕީގެ ލީޑަރު ވެސް މެއެވެ.
ޖޭޕީގެ ޕީޖީގެ ލީޑަރުކަމުން ޤާސިމް އިސްތިއުފާ ދެއްވުމުން އެމަޤާމަށް މިހާރު އައްޔަން ކުރައްވައިފައިވަނީ ކިނބިދޫ ދާއިރާގެ މެމްބަރު އަދި ޤާސިމްގެ ޕޮލިޓިކަލް އެޑްވައިޒަރެއްގެ ގޮތުގައި ހުންނެވި ޢަބްދުﷲ ރިޔާޒެވެ. ޤާސިމް ވިދާޅުވީ ޖޭޕީގެ ޕާލަމެންޓްރީ ގުރޫޕުގެ ލީޑަރު ކަމަށް ރިޔާޒު ހަމަޖެއްސެވީ ޕީޖީ މެމްބަރުންގެ ތާއީދާއެކު ކަމަށެވެ.
