އިސްލާމްދީނާ ޚިލާފު ވާހަތައްކެއްލިޔެ ފޭސްބުކު ޕޭޖެއްގައި ފަތުރަމުންދާ މައްސަލައެއް ބަލަމުންދާ ކަމަށް ފުލުހުން ވިދާޅުވެއްޖެއެވެ.
"އިސްލާމްދީނާ ޚިލާފު ވާހަކަތައް ލިޔެ ފޭސްބުކު ޕޭޖެއްގައި ފަތުރަމުންދާ މައްސަލަ ފުލުހުން ތަޙުޤީޤު ކުރަމުންދާ ވާހަކަ ދަންނަވަން" ފުލުހުން މިރޭ ވިދާޅުވިއެވެ.
ފޭސްބުކުގައި މިފަދަ ވާހަކަތައް މީގެ ކުރިންވެސް ވަނީ ފަތުރައިފައެވެ. ދީނާ ޚިލާފު ވާހަކަ ދައްކައި ފެތުރުމަކީ ޤާނޫނީ ގޮތުން ވެސް ކުށެކެވެ.
މީގެ ކުރިން ފެނުނު މިފަދަ ޕޭޖުތަކުގެ މައްސަލަ އިސްލާމިކް މިނިސްޓްރީއާއި ފުލުހުން ގުޅިގެން ބެލުމަށްފަހު ވަނީ އެ ޕޭޖުތަކަށް ނުވަދެވޭގޮތް ހަދައިފައިވެއެވެ. އެހެންނަމަވެސް ފުލުހުން މިހާރު ތަޙުޤީޤު ކުރައްވަމުން ގެންދަވަނީ ކަނޑައެޅިގެން ކޮންޕޭޖެއް ކަމެއް ހާމަކުރައްވާފައި ނުވެއެވެ.
