ރާއްކެއިން ބޭރުކުރަން އުޅުނު ގިނަ ޢަދަދެއްގެ ފައިސާ މޯލްޑިވްސް ކަސްޓަމްސް ސާވިސް އިން ހިފަހައްޓަވައިފިއެވެ.
ކަސްޓަމުން ވިދާޅުވެފައިވަނީ އެފައިސާ ބޭރުކުރަން އުޅުނީ އިންޑިއާގެ ތިން މީހުން ކަމަށެވެ. އެ މީހުންގެ އަތުންވަނީ އެކި ޤައުމުތަކުގެ ގިނަޢަދަދެއްގެ ފައިސާ އަތުލައިގެންފައެވެ.
މި ހިނގާ ނޮވެމްބަރު މަހު 4 ވަނަ ދުވަހު 18:30 ގައި ސިންގަޕޫރު އެއާލައިންގެ ބޯޓެއްގައި ފުރަން އުޅުނު އެ ތިންމީހުން ހުއްޓުވައި ފައިސާއާ އެކު އެމައްސަލަ ބެލުމަށް މިހާރުވަނީ ފުލުހުންނާ ޙަވާލު ކުރައްވައިފައި ކަމަށް ކަސްޓަމުން ވިދާޅުވެފައިވެއެވެ.
އެމީހުން އެފައިސާ ބޭރުކުރަން އުޅުނީ "ދިވެރާއްޖެއަށް އެތެރެކުރާ ނުވަތަ ބޭރުކުރާ ނަގުދު ފައިސާ" އާ ބެހޭ ޤަވާޢީދާ ޚިލާފަށެވެ.
ކަސްޓަމުން ވިދާޅުވީ މިފަދަ ޢަމަލު ކުރަމުންދާ ފަރާތްތަކުގެ މަޢުލޫމާތު ކަސްޓަމާ ޙިއްސާ ކޮށްދެއްވުމަކީ އެތަނުގެ ވަރަށްބޮޑު އެދުމެއް ކަމަށެވެ.
