އިންޑިއާއިން ފުރައިގެން ދަތުރުކުރަމުން އައި "ބޮންތި 2" ނަމަކަށްކިޔާ ކާގޯބޯޓެއްގެ ބުރަފަތީގައި ވަލެއް އޮޅިގެން އެބޯޓަށް އެހީވުމަށް އެމްއެންޑީއެފް ކޯސްޓްގާޑުގެ ޑައިވަރު މިއަދު ހެނދުނު 9:10 އެހައިކަންހާއިރު ބޯޓު ކައިރިއަށް ހިނގައްޖެއެވެ.
އެބޯޓަށް މި މައްސަލަ ދިމާވީ ހދ. ކުޅުދުއްފުއްޓާ 188 މޭލު ބޭރުންނެވެ. އެ ބޯޓަށް އެ މައްސަލަ ދިމާވެފައިވާ ކަމުގެ މަޢުލޫމާތު އެމްއެންޑީއެފަށް ލިބިފައިވަނީ އިއްޔެ މެންދުރުފަހު 2:10 އެހައިކަންހާއިރުއެވެ. ބޯޓަށް އެހީވުމަށްޓަކައި ކޯސްޓްގާޑު ޑައިވަރުން ފުރީ ރޭ 22:18 ގައެވެ. ޑައިވަރުންގެ ޓީމް ފުރީ ބޯޓުގެ ވެރިފަރާތުން ހަމަޖައްސައި ދިން އެމްޓީސީސީގެ ލޯންޗެއް ގައެވެ.
