ސެޕްޓެމްބަރު 23 ގައި ރާއްޖޭގައި ބޭއްވި ރިޔާސީ އިންތިޚާބުގައި މަކަރާއި ޙީލަތް ހަދައިފައިވާކަން ހާމަވެއްޖެ ކަމަށް ޕީޕީއެމުން ބުނެފިއެވެ.
އެޕާޓީން ނެރެފައިވާ ނޫސްބަޔާނެއްގައި ބުނެފައިވަނީ ވޯޓުކަރުދާސްތައް މިއަދު ނައްތާލުމުން އެކަމުން އެނގިގެންދިޔައީ އިންތިޚާބުގައި މަކަރުހަދައިފައިވާ ކަން ކަމަށް ވެސް އޭގައި ބުނެފައިވެއެވެ.
ޕީޕީއެމުން ބުނެފައިވަނީ އިލެކްޝަންސް ކޮމިޝަނުން ވޯޓުކަރުދާސް ނައްތާލީ ވޯޓުކަރުދާހާ ބެހޭ މައްސަލައެއް ފުލުހުންނަށް ހުށަހަޅައިފައިވަނިކޮށް ކަމަށެވެ. އެހެންނަމަވެސް އިލެކްޝަންސް ކޮމިޝަނުން ވިދާޅުވެފައިވަނީ އެފަދަ މައްސަލައެއް ޕީޕީއެމުން ހުށަހަޅައިފައިވާ ކަމެއް އެއްވެސް ފަރާތަކުން އެނގިފައި ނުވާކަމަށެވެ.
އިލެކްޝަންސް ކޮމިޝަނުން ވިދާޅުވީ އެތަނުން މިހާރުވަނީ ވޯޓު ކަރުދާސްތައް ޝްރެޑް ކޮށްފައި ކަމަށެވެ. އަދި އަންނަ ހަފްތާތެރޭ ކަރުދާސްތައް އަންދައި ލައްވާނެ ކަމަށް އެތަނުން ވިދާޅުވެފައިވެއެވެ.
ޕީޕީއެމުން ބުނެފައިވަނީ އެހާ އަވަހަށް އަދި ކުއްލިއަކަށް ވޯޓު ކަރުދާސްތައް ނައްތައިލުމަކީ އިލެކްޝަނުން ހިންގެވި ބޮޑު ޖަރީމާއެއް ކަމަށެވެ. އެހެން ކަމުން އެމައްސަލަ ރަނގަޅަށް ބަލައި ދެއްވުމަށް ޕީޕީއެމުން ވަނީ ފުލުހުންގެ ގާތު އެދިފައެވެ.
ވޯޓު ކަރުދާސް ނައްތާލި މައްސަލައިގައި ސުވާލު ކުރުމަށް މިއަދު ވަނީ އިލެކްޝަންސް ކޮމިޝަންނުގެ މެމްބަރުން ފުލުސް އޮފީހަށް ހާޒި ކުރައްވައިފައެވެ.
