މާލެއަށް ދެގޮނޑި އިތުރު ކުރައްވަން އީސީން ނިންމަވައިފި

ކުރިއަށްއޮތް ރައްޔިތުންގެ މަޖިލީހުގެ އިންތިޚާބުގައި މާލޭ ދާއިރާއަށް ދެގޮނޑި އިތުރު ކުރައްވަން އިލެކްޝަންސް ކޮމިޝަން (އީސީ) އިން މިއަދު ނިންމަވައިފިއެވެ.

އީސީގެ މެމްބަރު އަދި ތަރުޖަމާނު އަޙުމަދު އަކުރަމް އާފަތިހަށް މަޢުލޫމާތު ދެއްވަމުން ވިދާޅުވީ "ކޮމިޝަނުން ދާދި ދެންމެއަކު މި ނިންމީ 2019 ވަނަ އަހަރު ބާއްވާ މަޖިލިސް އިންތިޚާބުގައި މާލެއަށް ދެދާއިރާއެއް އިތުރު ކުރުމަށް. މިނިންމުގެ ސަބަބުން ހެންވޭރަށް ގޮނޑިއެއް، މައްޗަންގޮޅިއަށް ގޮނޑިއެއް އިތުރު ވެގެންދާނެ. އަލަށް އުފެދުނު ދެދާއިރާއަށް ކިޔަނީ ހެންވޭރު ހުޅަނގު އަދި މައްޗަންގޮޅީ މެދު. އަދި ހުޅުހެންވޭރުދާއިރާގެ ނަން ހުޅުމާލެ ދާއިރާއަށް ބަދަލު ކުރަންވެސް މިއަދުވަނީ ނިންމައިފައި،" އަކުރަމް ވިދާޅިވިއެވެ.

އޭނާ ވިދާޅުވީ މާލެއަށް އެ ދެގޮނޑި އިތުރު ކުރުން ފިޔަވައި ރާއްޖޭގެ އެއްވެސް އިންތިޚާބީ ދާއިރާއަކަށް އަދި ބަދަލެއް ނުގެންނަންވެސް މިއަދު ވަނީ ނިންމައިފައި ކަމަށެވެ.

އަކުރަމް މިހެން ވިދާޅުވީ އައްޑޫ މަރަދޫފޭދޫ ދާއިރާއަށް ގޮނޑި އިތުރުކޮށްދެއްވުމަށް އެދި އެރަށުގެ ޒުވާނުންތަކެއް އިލެކްޝަނާ މަޝްވަރާ ކުރައްވައިފައިވާ ވަގުތެއްގައެވެ. އެދާއިރާއަށް ވަކޮގޮނޑިއެއް ބޭނުންވާ ކަމަށް މީދޫދާއިރާގެ މެމްބަރު ރޮޒެއިނާ އާދަމް ވެސް ވަނީ ވިދާޅުވެފައެވެ.

ޟަމްރަތު އަޙްމަދު
ޟަމްރަތު އަޙްމަދަކީ ނޫސްވެރިކަމުގެ ދާއިރާގައި ގިނަ ތަޖުރިބާތަކެއް ހޯއްދަވައިފައިވާ ތަޖުރިބާކާރު ނޫސްވެރިއެކެވެ. އާފަތިހުގައި އެކި ފެންވަރުގައި ވަޒީފާ އަދާކުރެއްވި ހީވާގި ލިޔުންތެރިއެކެވެ.

ޚިޔާލު ފޯމު

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.