ރައީސުލްޖުމްހޫރިއްޔާ އަބްދުﷲ ޔާމީން ދިވެހި ސިފައިންގެ ބެލުމުގެ ދަށުގައި ހުންނަ ސެނަހިޔާ ހޮސްޕިޓަލަށް ވަޑައިގެންފިއެވެ.
ރައީސް ޔާމީން މިއަދު ހެނދުނު 9:30 ހާއިރު ސެނަހިޔާ ހޮސްޕިޓަލަށް ވަޑައިގެންނެވި މަންޒަރު އާފަތިސްގެ ނޫސްވެރިންނަށްވެސް ވަނީ ފެނިފައެވެ. އިތުބާރު ހުރި ފަރާތަކުން މައުލޫމާތު ދިންގޮތުގައި ރައީސް ސެނަހިޔާ ހޮސްޕިޓަލަށް ވަޑައިގެންނެވީ އާލާސްކަންފުޅަކަށް ފަރުވާ ހޯއްދެވުމަށެވެ.
އެފަރާތުން މައުލޫމާތު ދިންގޮތުގައި މިއީ ރައީސް ޔާމީން ސެނަހިޔާއަށް ފަރުވާ ހޯއްދަވަން ވަޑައިގެންނެވި ފުރަތަމަ ފަހަރެއްވެސް ނޫނެވެ. މީގެކުރިންވެސް އެމަނިކުފާނު ވަނީ އިންތިޚާބުގެ ފަހުން ސެނަހިޔާއިން ފަރުވާ ހޯއްދަވާފައެވެ. މައުލޫމާތު ލިބިފައިވާ ގޮތުގައި ރައީސް ގެންދަވަނީ އާލަސްކަންފުޅަކަށް ފިޒިއޮތެރަޕީގެ ޚިދުމަތްވެސް ހޯއްދަވަމުންނެވެ.
ނަމަވެސް ރައީސް ޔާމީނަށް ކުރިމަތިވެވަޑައިގެންފައި ވަނީ ސީދާ ކޮންކަހަލަ އާލާސްކަންފުޅެއްކަން ސާފުވާ ގޮތް ވަނީ ނުވެފައެވެ.
