ދައުލަތުގެ އެކި މުއައްސަސާތަކުގައި ތިއްބަވާ ބޭފުޅުން އޮޑިޓަރ ޖެނެރަލްގެ އޮފީހަށް ހުށަހަޅުއްވަން ޖެހޭ މާލީ ބަޔާން ހުށަހެޅުއްވުމަށް އޮންނަ މުއްދަތަށް ބަދަލުގެނައުމަށް އެއްވެސް ފަރާތަކަށް ފުރޞަތު ދެއްވާފައި ނުވާނެ ކަމަށް އޮޑިޓަރ ޖެނެރަލްގެ އޮފީހުން ވިދާޅުވެއްޖެއެވެ. އޮޑިޓަރ ޖެނެރަލްގެ އޮފީހުން މިއަދު ނެރުއްވި ބަޔާނެއްގައި ވިދާަޅުވެފައިވާ ގޮތުގައި މާލީ ބަޔާން ހުށަހަޅަން އޮންނަ މުއްދަތަށް ބަދަލު ގެނައުމަކީ ގާނޫނުން އޮޑިޓަރ ޖެނެރަލް އަށް ލިބިދީފައިވާ ބާރެއް ނޫނެވެ.
އޮޑިޓަރ ޖެނެރަލްގެ އޮފީހުން މިއަދު ނެރެފައިވާ ބަޔާނުގައި ވިދާޅުވެފައިވަނީ، "މާލީ ބަޔާން އޮޑިޓަރ ޖެނެރަލަށް ހުށަހެޅުމަށް ޤާނޫން އަސާސީގައި ނުވަތަ ޤާނޫނުގައި ކަނޑައަޅާފައި އޮންނަ ވަގުތު ނުވަޔަ މުއަދަތަށް ބަދަލު ގެނެސް، އެ މުދަތު އިތުރުކޮށް، ނުވަތަ ދިގުކޮށްދިނުމަކީ އޮޑިޓަރ ޖެެެނެރަލަށް ޤާނޫނުން ލިބިދީފައިވާ ބާރަކަށް ނުވާ ހިނދު، މާލީ ބަޔާން ހުށަހެޅުމަށް އޮންނަ އޮންނަ މުއްދަތަށް ބަދަލު ގެނައުމަށް އެއްވެސް ފަރާތަކަށް އޮޑިޓަރ ޖެެނެރަލް ފުރުސަތު ދީފައި ނުވާނެ" ކަމަށެވެ.
އަދި މާލީ ބަޔާން ހުށަހެޅުމަށް ކަނޑައަޅާފައި އޮންނަ މުއްދަތު ފާއިތުވުމަށް ފަހުވެސް ބަޔާން ހުށަހެޅުއްވުމަކީ ޤާނޫނީ ގޮތުން މާޤާމުގައި ހުންނަވައިގެން ކުރެއްވުން މުހިއްމު ކަމަށްވާތީ އެފަދަ ފަރާތްތްތަކުގެ ސަމާލުކަމަށް އެކަން ގެންނެވުމަކީ އޮޑިޓަރ ޖެނެރަލްގެ އޮފީހުން ޢަމަލުކުރުާ ގޮތް ކަމުގައިވެސް އެބަޔާނުގައި ވިދާޅުވެފައިވެއެވެ.
2014ވަނަ އަހަރުން ފެށިގެން ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް މާލީ ބަޔާން ހުށަނާޅުއްވާ ކަމަށް މީޑިއާގައި އިއްޔެ ވަނީ ރިޕޯޓުކޮށްފައެވެ. އެއާއި ގުޅިގެން ރައީސްގެ ތަރުޖަމާން އިބްރާހީމް މުޢާޒް ޢަލީ މިއަދު ކުރެއްވި ޓުވީޓެއްގައި ވިދާޅުވެފައިވަނީ "ރިޔާސީ ފަހު އަހަރު ހިމަނައިގެން ދައުރު ހުސްވުމުގެ ކުރީން މާލީ ބަޔާން ހުށަހަޅަން ފުރުޞަތު ދެއްވާފައިވާ ސިޓީއެއް، މީގެ ދެތިން ދުވަސް ކުރީން ރައީސުލްޖުމްހޫރިއްޔާ ގެ އޮފީހަށް އޮޑިޓަރ ޖެނެރަލް ވަނީ ފޮނުއްވާފައި" ކަމަށެވެ. އަދި މާލީ ބަޔާން ޤަވައިދުން ހުށަނާޅުއްވާ ރައީސުން ތިއްބެވިކަމާއި، އެއްވެސް ފިޔަވަޅެއް އަޅާފައިނުވާކަން ފާހަގަ ކުރައްވާ ކަމަށް ވެސް މުޢާޒުގެ ޓުވީޓުގައި ވެއެވެ. ހަަމައެހެންމެ ރައީސްގެ މާލީ ބަޔާނާ ގުޅޭ އެންމެހައި މަޝްވަރާތައް އޮޑީޓަރ ޖެނެރަލްގެ ލަފާފުޅާ އެެއްކޮށް ކުރެވިފައިވާ ކަމަށްވެސް މުޢާޒު ވަނީ ވިދާޅުވެފައެވެ.
"Riyaasee fahu aharu himanaigen, dhauru husvumuge kurin Maalee Bayaan hushahalhan furusathu dhevvaafaivaa sitee eh, meege dhethin dhuvas kurin Raeesuljumhooriyyaa ge ofeehah Auditor General vany fonuvvaafa. Maalee bayaan gawaaidhun hushanaalhuvaa Raeesun thibbevi kamaai adhi
1/2— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) October 31, 2018
.. evves fiyavalheh alhaafai nuvaakan mi furusathu gai faahaga kuran. Raees ge maalee bayaanaa gulhey emmehai mashvaraa thah Auditor General ge lafaafulhaa ekkoh vany kurevifai" -im
2/2— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) October 31, 2018
ދައުލަތުގެ އިސް މަޤާމް ތަކުގައި ތިއްބަވާ، ނުވަތަ ދައުލަތުގެ ވަކި މަސްއޫލިއްޔަތުތަކާއި ޒިއްމަ ހަވާލު ކުރެވިފައިވާ ފަރާތަތަކުން ޤާނޫން އަސާސީގައި ނުވަތަ ޤާނޫނުގައި ކަނޑައަޅައި ބަޔާންކޮށްފައިވާ ގޮތުގެ މަތީން އެފަރާތްތަކުގެ މިލްކިއްޔާތުގައިވާ މުދަލާއި މުދަލާއި، ހިސާބުތަކާއި، ވިޔަފާރީގެ މަޞްލަޙާތުތަކާއި، އަރަންޏާއި، ދަރަނި ހާމަކޮށް ތައްޔާރުކުރާ ބަޔާނެއް (މާލީ ބަޔާން) އޮޑިޓަރ ޖެެނެރަލް އަށް ކޮންމެ އަހަރަކު ހުށަހަޅަން ޖެހޭ ކަމަށް އޮޑިޓަރ ޖެނެރަލްގެ ބަޔާނުގައި ވިދާޅުވެފައިވެއެވެ. އަދި އެފަދަ ފަރާތްތަކުން ބަޔާންތައް ހޯއްދެވުމަށް އެ އޮފީހުން ކެނޑިނޭޅި މަސައްކަތް ކުރައްވާ ކަމަށްވެސް ބަޔާނުގައި ވެއެވެ.
އޮޑިޓަރ ޖެނެރަލްގެ އޮފީހުން ނެރުއްވާފައިވާ ނޫސް ބަޔާން:
