ރައްޔިތުންގެ މަޖިލީހުގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަން (އީސީ) އިން ނިންމަވައިފައިވާ 12 މެމްބަރުގެ ތެރޭގައި ހިމެނިވަޑައިގަންނަވާ އިތުރު ދެ މެމްބަރެއްގެ ގޮނޑި ނުގެއްލޭ ކަމަށް ސްޕްރީމްކޯޓުން ޙުކުމް ކުރައްވައިފިއެވެ.
މިއަދު ޙުކުމް ކުރެއްވީ ފުވައްމުލަކު އުތުރު ދާއިރާގެ މެމްބަރު ޢަލީ ޝާހާއި، ތިމަރަފުށީ ދާއިރާގެ މެމްބަރު މުޙައްމަދު މުސްޠަފާގެ ގޮނޑި ނުގެއްލޭ ކަމަށެވެ.
މި ދެބޭފުޅުންގެ ގޮނޑި ނުގެއްލޭ ކަމަށް ސްޕްރީމް ކޯޓުން ކަނޑައެޅުމުން، ގޮނޑި ގެއްލިފައިވާ ކަމަށް އީސީން ނިންމި 12 މެންބަރުންގެ ތެރެއިން 10 މެންބަރެއްގެ ގޮނޑި ނުގެއްލޭކަން މިހާރުވަނީ ކަށަވަރުވެފައެވެ. އަދި ގޮތެއް ނުނިންމައި ދެ މެމްބަރަކު އެބަ ތިއްބެވިއެވެ. މަޝްހޫރު ޤާނޫނީ ވަކީލުން ވިދާޅުވަނީ އެދެ މެމްބަރުންގެ ގޮނޑިވެސް ނުގެއްލޭ ކަމަށް ސްޕްރީމްކޯޓުން ޙުކުމް ކުރައްވާނެ ކަމަށް ބެލެވޭ ކަމަށެވެ. އެ ދެ މެމްބަރުންގެ ގޮނޑިއާ ބެހޭ ޙުކުމް ވެސް މިއަދު ކުރައްވާނެއެވެ.
މިއަދު ދެން ޙުކުމް އިއްވާނީ އިހަވަންދޫ ދާއިރާގެ މެމްބަރު މުޙައްމަދު ޢަބްދުﷲ އާއި، ހަނިމާދޫ ދާއިރާގެ މެމްބަރު ޙުސައިން ޝަހުދީގެ ގޮނޑިއާ ބެހޭގޮތުންނެވެ.
މި މެމްބަރުންގެ ގޮނޑިއާ މެދު ސްޕްރީމް ކޯޓުން ގޮތް ނިންމަވައި ދެއްވަމުން މިގެންދަވަނީ ރައްޔިތުންގެ މަޖިލީހުގެ ނާއިބު ރައީސް އެކަމަށް އެދިވަޑައިގެން ސްޕްރީމްކޯޓަށް ސިޓީއެއް ވެސް ފޮނުވައިފައިވަނި ކޮށްނެއެވެ.
