ރައްޔިތުންގެ މަޖިލީހުގެ ގޮނޑިގެއްލިފައިވާ ކަމަށް ކަނޑައަޅައިފައިވާ މެމްބަރުންގެ ތެރެއިން ދެ މެމްބަރެއްގެ މައްސަލަ މާދަމާއަށް ސްޕްރީމްކޯޓުގައި ތާވަލް ކުރައްވައިފިއެވެ.
އެ މައްސަލައިގެ އަޑުއެހުމެއް ސްޕްރީމްކޯޓުގައި ބޭއްވުމަށް މާދަމާއަށް ތާވަލް ކުރައްވައިފައިވަނީ ދަގެނތީ ދާއިރާގެ މެމްބަރު އިލްހާމު އަހުމަދާއި، ތިނަދޫ އުތުރުދާއިރާގެ މެމްބަރު ސައުދުﷲ ހިލްމީގެ މައްސަލައެވެ.
ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ނިންމަވާފައިވާ 12 މެމްބަރުންގެ ތެރެއިން ބައެއް މެމްބަރުންގެ ގޮނޑި ނުގެއްލޭ ކަމަށް ސްޕްރީމްކޯޓުން ވަނީ ހުކުމް ކުރައްވައިފައެވެ.
ގާނޫނު ބުނާގޮތުން މެމްބަރުންގެ ގޮނޑި ގެއްލޭނެ އުސޫލަކީ އެ މެމްބަރަކު މަޖިލީހަށް އިންތިޚާބުވި ޕާޓީން އެމީހަކު ވަކިކުރުން ނުވަތަ އަމިއްލައަށް އެހެން ޕާޓީއަކަށް ސޮއި ކުރެއްވުމެވެ.
އިލްހާމް އަހުމަދު މަޖިލީހަށް އިންތިޚާބުވެ ވަޑައިގެންނެވީ ޖޭޕީގެ ޓިކެޓުގައެވެ. ފަހުން އޭނާ ވަނީ ޕީޕީއެމަށް ބަދަލުވެފައެވެ. ސައުދުﷲ ހިލްމީ މަޖިލީހަށް ހޮވިވަޑައިގެންނެވީ ޕީޕީއެމްގެ ޓިކެޓްގައެވެ.
