ރައީސް ޢަބްދުﷲ ޔާމީންގެ އަނިޔާވެރި ވެރިކަމުގަ ނިމުމުގެ ސިއްކަ ޖެހިއްޖެ ކަމަށް ދިއްގަރު ދާއިރާގެ ކުރީގެ މެންބަރު އަދި ރައީސް ޔާމީންގެ ގާތް އެކުވެރިޔާ އަޙްމަދް ނާޒިމް ވިދާލުވެއްޖެއެވެ. ނާޒިމް މިއަދު ކުރެއްވި ޓުވީޓެއްގައި ވިދާޅުވެފައިވަނީ އިންސާފަށް ލޯބިކުރާ ދިވެހިންނަށް ކާމިޔާބު ލިބިއްޖެ ކަމަށެވެ. ނާޒިމް ވަނީ އިތުރު ޓުވީޓެއްވެސް ކުރައްވާފައެވެ.
Alhamdhulillaahi. Insaafah loabi kuraa dhivehinnah kaamiyaabu libijje. Yameen ge aniyaaveri verikamuga nimumuge sikka jehijje.
— Ahmed Nazim (@MP4Dhiggaru) October 21, 2018
ނާޒިމް ކުރެއްވި ދެވަނަ ޓުވީޓުގައި ވިދާޅުވެފައިވަނީ އޭނާ އަށް ކުރައްވާފައިވާ 25 އަހަރުގެ ޖަލު ހުކުމަކީ ރައީސް ޔާމީންގެ އޯޑަރަށް ކޮށްފައިވާ ހުކުމެއް ކަމަށެވެ. އަދި އެކަމަށް އިސް ނަގާފައިވަނީ ރައިސް ޔާމީންގެ ކުރީގެ ނައިބް ރައީސް އަޙްމަދް އަދީބު ކަމަށެވެ. ނާޒިމު ވިދާޅުވެފައިވަނީ އޭނާ ޖަލަށް ލުމަށް އެހީތެރިވެދެއްވާފައިވަނީ ކުރީގެ ޕްރޮސެކިއުޓަރ ޖެނެރަލް މުހްތާޒް މުހްސިން އެވެ. އަދި އެނިންމެވުން ރައީސް ޔާމީން އަށް ތަންފީޒުކޮށް ދެއްވީ ކުރީ އުއްތަމަ ފަނޑިޔާރު ޢަބްދުﷲ ސަޢީދް އާއި ސުޕްރީމް ކީޓުގެ ފަނޑީޔާރު ޢަލީ ޙަމީދް ކަމަށެވެ. އަދި ﷲ ގެ ކުޅަދުންވަންތަ ކަމުން އެ ފަސް ބޭފުޅުން ވެސް މިއަދު ބޭރު ކުރެވުނީ ކަމަށް ނާޒިމް ގެ ޓުވީޓުގައި ވިދާޅުވެފައިވެއެވެ.
My 25 year sentence was ordered by President Yameen. Adeeb initiated it. PG Muhthaz Muhsin facilitated it. SC Judges Abdulla Saeed and Ali Hameed executed it. All 5 out today. Allah is Great.
— Ahmed Nazim (@MP4Dhiggaru) October 21, 2018
ސުޕްރީމް ކޮޓުގެ މިއަދުގެ ޙުކުމާ އެކު ރައީސް ޔާމީނަށް މި އިންޠިޚާބު ގެއްލި އަދި ކުރުިއަށް އޮތް ފަސް އަހަރަށް ވެރިކަން ގެއްލުނީ އެވެ. އަޙްމަދް އަދީބް ވަނީ ރައީސް ޔާމީން އަވަހާރާކޮށްލަން ރޭވި ތުހުމަތާއި އެމްއެމޕީއާރްސީގެ މައްސަލައިގައި ޖަލަށް ލާފައެވެ. އަދި ކުރީގެ ޕްރޮސެކިއުޓަރ ޖެނެރަލް މުހްތާޒް މުހްސިން ވަނީ ރައީސް ޔާމީން ހައްޔަރު ކުރަން އަމުރެއް ނެރެން އުޅުމުގެ ތުހުމަތުގައި ޖަލަށް ލާފައެވެ. އަދި ކުރީގެ އުއްތަމަ ފަނޑިޔާރު ޢަބްދުﷲ ސަޢީދް އާއި ފަނޑިޔާރު ޢަލީ ޙަމީދުވެސް ދަނީ ޖަލު ޙުކުމެއް ތަންފީޒު ކުރައްވަމުންވެ.
ރައީސް ޔާމީންގެ ކޮޕްޝަން ފަޅާއެރުވުމަށް 48 ގަޑިއިރުތެރޭ އަހްމަދް ނާޒިމް ވަރުގަދަ ބަޔާނެއް ނެރުއްވާނެ ކަމަށް އިނގިރޭސިވިޅާތުގައި ދިރިއުޅެމުންދާ އެކްޓީވިސްޓު މޫސާ އަންވަރު ހުކުރު ދުވަހު ޓުވީޓޫ ކުރިއެވެ. ނަމަވެސް އެފަދަ ބަޔާނެއް އަދި މިހާތަނަށް ނެރެފައެއް ނުވެއެވެ.
