ރިޔާސީ އިންތިޚާބު ބާތިލު ކުރެވެން ނެތް ކަމަށް ސުޕްރީމް ކޯޓުން ދާދި ދެންމެއަކު ޙުކުމް ކޮށްފިއެވެ.
ޕީޕީއެމުން ވެއްދި މި މައްސަލައިގައި ސުޕްރީމް ކޯޓުގެ ފަސް ފަނޑިޔާރުންގެ އިއްތިފާގުން އިއްވި ޙުކުމުގައި ބުނެފައި ވަނީ ނިމިދިޔަ ރިޔާސީ އިންތިޚާބުގެ ވޯޓު އޮޅުވާލާފައި ނުވާ ކަމަށެވެ.
ކޯޓުން ކުރި ޙުކުމުގައި ބުނެފައި ވަނީ އިލެކްޝަން ކޮމިޝަނުން އިއުލާނު ކޮށްފައިވާ އިންތިޚާބުގެ ނަތީޖާއަށް ބަދަލު އަންނަ ވަރުގެ އެއްވެސް ހެއްކެތްވެސް ނެތް ކަމަށާއި، ސުޕްރީމް ކޯޓުގެ ބެލުމުގެ ދަށުން ޖިނާއީ ތަހުގީގެއް ސިފައިންނާއި ފުލުހުން މެދުވެރިކޮށް ހިންގަން އަމުރު ކުރަންޖެހޭ ސަބަބެއް ވެސް ނެތް ކަމަށެވެ.
ޕީޕީއެމުން ވެއްދި މި މައްސަލައިގައި ސުޕްރީމް ކޯޓުގެ ފަސް ފަނޑިޔާރުންގެ އިއްތިފާގުން އިއްވި ޙުކުމުގައި ބުނެފައި ވަނީ ނިމިދިޔަ ރިޔާސީ އިންތިޚާބުގެ ވޯޓު އޮޅުވާލާފައި ނުވާ ކަމަށެވެ.
ކޯޓުން ކުރި ޙުކުމުގައި ބުނެފައި ވަނީ އިލެކްޝަން ކޮމިޝަނުން އިއުލާނު ކޮށްފައިވާ އިންތިޚާބުގެ ނަތީޖާއަށް ބަދަލު އަންނަ ވަރުގެ އެއްވެސް ހެއްކެތްވެސް ނެތް ކަމަށާއި، ސުޕްރީމް ކޯޓުގެ ބެލުމުގެ ދަށުން ޖިނާއީ ތަހުގީގެއް ސިފައިންނާއި ފުލުހުން މެދުވެރިކޮށް ހިންގަން އަމުރު ކުރަންޖެހޭ ސަބަބެއް ވެސް ނެތް ކަމަށެވެ.
ސުޕްރީމް ކޯޓުން އިންތިޚާބާބެހޭ ޝަރީއަތް ކުރިޔަށް ގެންދިޔައީ ޕީޕީއެމްގެ ފަރާތުން އެ ކޯޓަށް ވެއްދި މައްސަލައާއި ގުޅިގެންނެވެ. ވެރިކަންކުރާ ޕީޕީއެމުން ބުނެފައި ވަނީ އިންތިޚާބުގެ ވަގުތީ ނަތީޖާ ރައީސް އަބްދުﷲ ޔާމީން ގަބޫލުފުޅު ކުރެއްވީ އިޙްތިރާމް ކުރެއްވުމުގެ ގޮތުން ކަމަށާއި ނަމަވެސް ޕީޕީއެމުން ކޯޓަށް ދިޔައީ އިންތިޚާބުގައި އޮޅުވާލުންތަކެއް އުޅޭ ކަމަށް ފެންނާތީ ކަމަށެވެ.
ސުޕްރީމް ކޯޓުގައި ޝަރީއަތް ކުރިޔަށް ދިޔައިރު ޕީޕީއެމްގެ ފަރާތުން ސިއްރު ހެކިންގެ ހެކި ބަސް ނެގުމަށްވެސް އެދުނެވެ. ނަމަވެސް ކޯޓުން ނިންމީ ސިއްރު ހެކިންގެ ހެކި ބަސް ނުނަގާށެވެ. މިއަދު އޮތް ޝަރީއަތުގެ މަޖިލީހުގައި ސުޕްރީމް ކޯޓުގެ ޙުކުމް އިންތިޚާބު ބާތިލު ކުރަން ނުޖެހޭގޮތަށް އައުމާއެކު އިދިކޮޅު ކޯލިޝަނުގެ އިސްބޭފުޅުންނާއި ސަޕޯޓަރުން ބުނަމުން ދަނީ މިއީ ބާތިލު ކުރަންޖެހޭ ވަރުގެ އިންތިޚާބެއް ނޫންކަން ޝަރީއަތަށް މައްސަލަ ވެއްދިއިރުވެސް އެނގޭ ކަމަށެވެ.
ޕީޕީއެމްގެ އިސްބޭފުޅުން ވިދާޅުވެފައި ވަނީ ސުޕްރީމް ކޯޓުގެ ޙުކުމް ކޮންމެ ގޮތަކަށް އަޔަސް އެ ޙުކުމަށް އެޕާޓީން އިޙްތިރާމް ކުރާނެ ކަމަށެވެ.
