ކުރީގެ ރައީސް މުޙައްމަދް ނަޝީދް ސައުދީ އަސް ކުރެއްވި ދަތުރުފުޅު ނިންމަވާލައްވައިފިއެވެ. ރައިސް ނަޝީދުގެ ދަތުރުފުޅު ނިންމަވާލެއްވި ކަމަށް ވިދާޅުވެ އެމަނިކުފާނުގެ ސަރުކާރުގެ ފޮރިން މިނިސްޓަރު އަޙްމަދު ނަސީމް ވަނީ މިއަދު ޓުވީޓެއް ކުރައްވާފައެވެ. އެޓުވީޓުގައި ވިދާޅުވެފައިވާ ގޮތުގައި ރައީސް މުޙައްމަދު ނަޝީދު ސައޫދީ އރަބިއްޔާއަށް ކުރެއްވި ދަތުރުފުޅަކީ ވަރަށް ކާމިޔާބު ދަތުރުފުޅެކެވެ. އަދި މިހާރު އެދަތުރުފުޅު ނިންމަވައިލެއްވުމަށްފަހު އެމަނިކުފާނު ލަންޑަނަށް ދަތުރުފުޅު ކުރައްވާ ކަމަށް ނަސީމް ވިދާޅުވެފައިވެއެވެ.
ނަޝީދުގެ މި ދަތުރުފުޅަކީ ސައޫދީ އަރަބިޔާގެ ވަލީއަޙްދް ސަލްމާން ބިން ޢަބްދުލްޢަޒީޒްގެ ދަޢުވަތަކަށް ކުރެއްވި ދަތުރުފުޅެކެވެ.
ނަޝީދު ސަޢުދީ އަށް ވަޑައިގެންނެވީ ސައޫދީގެ ނޫސްވެރިޔާ ޖަމާލް ޚާޝުގްޖީ މިދޔަ ހަފްތާގައި އިސްތަންބޫލުގައި ހުންނަ ސައޫދީ ކޮންސިއުލޭޓަށް ވެންނެވިފަހުން އެމަނިކުފާނަށް ވީނުވީ އެއް ނޭނގި މައްސަލަ ބޮޑުވެފައިވަނިކޮށެވެ. ފޮރެންސިކް އެކްސްޕާޓެއްގެ އެހީގައި ޚާޝުގްޖީ މަރާލާފައިވާ ކަމަށް ބުނެ މީޑިއާއިން ވަނީ ރިޕޯޓުކޮށްފައެވެ. މި ފަދަ ދަނޑިވަޅެއްގައި ނަޝީދު ސައޫދީއަށް ވަޑައިގެންނެވުމުން ގިނަބަޔެއްގެ ފާޑުކިޔުން އެމަނިކުފާނަށް އަމާޒު ވިއެވެ. އަދި ސައޫދީއަށް ވަޑައިގެންނެވިފަހުން ޚަބަރެއް ނުވާ ކަމަށް ބުނެ ރާއްޖޭގެ މީޑިއާ އަކުން ވަނީ ރިޕޯޓުކޮށްފައެވެ.
ކުރީގެ ފޮރިން މިނިސްޓަރ ނަސީމް ވަނީ އެޚަބަރަށް ރައްދު ދެއްވައި ނަޝީދު މިހާރު ފެނިއްޖެކަމަށް ވިދާޅުވެ ނަޝީދުގެ ފޮޓޯ އެއް ޓުވީޓުކުރައްވާފައެވެ. ނަޝީދު ސައޫދީ ދަތުރުގައި އެމަނކުފާނު ދަތުރުކުރައްވަނީ ރަސްގެފާނުގެ ޚާއްޞަ މަތިންދާ ބޯޓެއްގައެވެ.
ނަސީމްގެ ޓުވީޓު:
Raees Nasheed has been found. pic.twitter.com/99ZIH4HBD7
— Ahmed Naseem (@KerafaNaseem) October 16, 2018
Raees Nasheed concluded his very successful trip to Riyadh on the invitation of the Saudi Givernment and is returning to London.The special flight is estimated to land in London at 6.05 this morning Insha Allah. Grateful thanks to His Majesty and to Crown Prince
— Ahmed Naseem (@KerafaNaseem) October 16, 2018
