ދެ ދުވަހުގެ ރަސްމީ ދަތުރުފުޅެއްގައި ރާއްޖެ ވަޑައިގެން އުޅުއްވާ ޔޫއެސް ޑިޕާޓްމަންޓް އޮފް ސްޓޭޓްގެ ޕްރިންސިޕަލް ޑެޕިއުޓީ އެސިސްޓެންޓް ސެކްރެޓަރީ އެމްބެސެޑަރ. އެލިސް ވެލްސް ފޮރިން ސެކްރެޓަރީ އަޙްމަދް ސަރީރް އާއި ބައްދަލ ކުރައްވައިފިއެވެ. މި ބައްދަލު ކުރެއްވުން އޮތީ މިނިސްޓްރީ އޮފް ފޮރިނ އެފެއަރޒް ގައެވެ. މި ބައްދަލު ކުރެއްވުމުގައި އެމެރިކާ އާއި ދިވެހިރާއްޖެ އާއި ދެމެދު އޮންނަ ގުޅުން އިތުރަށް ބަދަހި ކުރާނެ ގޮތްތަކާ މެދު މަޝްވަރާ ކުރެވުނެވެ. އެގޮތުން ޓެރަރިޒަމް އާއި ދެކޮޅަސް މަސައްކަތް ކުރުމާއި، މުއައްސަސާ ތައް ރިފޯމް ކުރުމައި ޑިމޮކްރަސީ އިތުރަށް ހަރުދަނާ ކުރުމާ މެދު މަޝްވަރާ ކުރެވުނެވެ.
އެމްބެސެޑަރ އެލިސް ރާއްޖެ ވަޑައިގެންނެވީ އިއްޔެގެ ވަގުތެއްގައެވެ. މިއަދު އެކަމަނާ ވަނީ ރައީސް މުންޠަޚަބް އިބްރާހީމް މުޙައްމަދް ޞާލިޙް އާވެސް ބައްދަލުކުރައްވާފައެވެ. އެކަމަނާގެ މިދަތުރުފުޅުގައި ސޔާސީ ފަރާތްތަކާއި، ސިޔާސީ ޕާޓީތަކާއި އަމިއްލަ ޖަމިއްޔާ ތަކާއި ބައްދަލުކުރައްވާގޮތަށް ވަނީ ހަމަޖެހިފައެވެ.
