ރައީސް ޔާމީން އިލެކްޝަންސް ކޮމިޝަން (އީސީ) އަށް ބާރުފޯރުވަމުން ގެންދަވާ ކަމަށް ބުނެ ރައްޔިތުންގެ ތެރެއިން އެމްޑީޕީއަށް ތާއިދުކުރާ މީހުން އެޕާޓީގެ ހަރުގެ ދޮށަށް އެއްވަމުންދާ ކަމަށް އެޕާޓީން ބުނެފިއެވެ.
ސަޕޯޓަރުން އެމްޑީޕީ ހަރުގެ ކައިރިއަށް މީހުން ޖަމާވަމުން ގެންދަނީ އެޕާޓީގެ ގޮވައިލުމަކަށް އިޖާބަ ދިނުމުގެ ގޮތުންނެވެ. މިދިޔަ އާދީއްތަ ދުވަހު ރާއްޖޭގައި ބޭއްވި ރިޔާސީ އިންތިޚާބު ކާމިޔާބު ކުރެއްވީ އެމްޑީޕީގެ ރިޔާސީ ކެންޑިޑޭޓް އިބްރާހީމް މުހައްމަދު ސާލިހެވެ.
މި އިންތިޚާބު ބާތިލް ކުރުމަށް ރައީސް ޔާމީން ގެންދަވަނީ ކޯޓަށް ހުށަހަޅަން ތައްޔާރުވަމުން ކަމަށް މައުލޫމާތު ލިބިފައިވެއެވެ. އެކަން ހައިކޯޓަށް ހުށަހެޅުއްވި ކަމަށާއި އެކޯޓުން އެކަން ބަލައިނުގަތުމުން ސްޕްރީމް ކޯޓަށް ހުށަހަޅުއްވައިފި ކަމަށް ވެސް ބައެއް ފަރާތްތަކުން ވަނީ ޓްވިޓާ މެދުވެރިކޮށް ބުނެފައެވެ. ޕީީޕީއެމްގެ ސެކްރެޓަރީޖެނެރަލް ޑރ. އަބްދުﷲ ޚަލީލު ދެންމެވި ވިދާޅުވީ އިންތިޚާބު ބާތިލްކޮށްދިނުމަށްއެދި އެޕާޓީން އެއްވެސް ކޯތަކަށް ހުށަހަޅަފައި ނުވާނެ ކަމަށެވެ.
ރިޔާސީ އިންތިޚާބުގެ ނަތީޖާއާ ބެހޭގޮތުން ސަލާމަތީ ޚިދުމަތްތަކުން (ސިފައިންނާއި ފުލުހުން) ވިދާޅުވެފައިވަނީ ރައްޔިތުންގެ ނިންމުމަށް އިހުތިރާމް ކުރައްވައި އެކަން ދަމަހައްޓައިދޭނެ ކަމަށެވެ.
Verikan libuneemaves muzaahara