ސައްޙަ ނޫން ވަގު ޑޮލަރު ތަކެއްގެ ވިޔަފާރި ކުރަމުންދިޔަ މީހަކު ހޯދުމުގެ މަސައްކަތް ފުލުހުން ފަށައިފިއެވެ.
ފުލުހުން ބުނީ ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ތަޙުޤީޤު ކުރަމުންދާ، ސައްޙަނޫން ޑޮލަރުތަކަކުން ވިޔަފާރިކުރި މައްސަލައަކާ ގުޅިގެން މީހަކު ހޯދަމުންދާ ކަމަށެވެ. އަދި ފުލުހުން ވަނީ އެމީހާ ފިހާރައަކަށް ވަދެ އެއްޗެއް ގަނެ ވަގު ޑޮލަރުން އަގު ދެއްކައިދޭ ވީޑިޔޯއެއްވެސް އާންމު ކޮށްފައެވެ. ނަމަވެސް އެކަމާބެހޭ އިތުރު ތަފްސީލެއް ފުލުހުން އަދި ހާމައެއް ނުކުރެއެވެ.
ވީޑިޔޯއިން ފެންނަނީ ސުޕަމާކެޓަކަށް ގޮސް އެއްޗެއް ގަތުމަށް ފަހު ގަމީހުގެ ޖީބުން ޑޮލަރުތަކެއް ނެގުމަށް ފަހު އެއިން އަގު ދައްކާ މަންޒަރެވެ.
ވީމާ މިމީހާއާ ބެހޭ އެއްވެސް މަޢުލޫމާތެއް ލިބިފައިވާނަމަ ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަމްބަރު 9631696 އަށް ގުޅުއްވައި ކުރުމަށް ފުލުހުން ވަނީ އެދިފައެވެ.
the cocoa trees