ރާއްޖޭގެ ސިޔާސީ ހަމަޖެހުމަށްޓަކައި ރައްޔިތުންގެ މަޖިލީހުގެ ޖަލްސާއެއް ބޭއްވުމަށް ކޮޅުނބުގައި ހުންނެވި ކުރީގެ ރައީސް މުޙަންމަދު ނަޝީދު ގޮވާލައްވައިފިއެވެ.
ނަޝީދު ކުރެއްވި ޓްވީޓެއްގައި ވިދާޅުވީ މަޖިލީހުގެ ޖަލްސާ ބާއްވަން ޖެހޭނީ މަޖިލީހުގެ ހުރިހާ މެމްބަރުންނާއެކު ކަމަށެވެ. ނަޝީދު ވިދާޅުވީ މަޖިލީހުގެ ހުރިހާ މެމްބަރުންނާއެކު "މަޖިލިސް ބައްދަލުވުމަކީ" ރާއްޖޭގެ ސިޔާސީ ހަމަޖެހުމުގެ އިތުރުން، ނިމިގެންދިޔަ ރިޔާސީ އިންތިޚާބުގައި ނިންމި ނިންމުމާއި އެއްގޮތަށް ކުރިޔަށް ދިޔުމަށް ކޮންމެހެންވެސް ބޭނުންތެރި ކަމެކެވެ.
ރައްޔިތުންގެ މަޖިލީހުގެ ޖަލްސާއެއް ހުރިހާ މެމްބަރުންނާއެކު ބޭއްވުމަށް ނަޝީދު ގޮވާލެއްވިއިރު މަޖިލީހުގެ ގޮނޑި ގެއްލިފައިވާ ކަމަށް ނިންމާފައިވާ 12 މެމްބަރަކުވެސް އެބަތިއްބެވިއެވެ. ނަމަވެސް ރިޔާސީ އިންތިޚާބުގެ ތެރޭގައި އިދިކޮޅު ކޯލިޝަނުން ބުނެފައި ވަނީ މަޖިލީހުގެ ގޮނޑި ގެއްލުނު 12 މެމްބަރުންގެ ގޮނޑިވެސް އަނބުރައި ހޯއްދަވައި ދެއްވާނެ ކަމަށެވެ.
