ކުރިއަށްއޮތް ފަސް އަހަރަށް ވެރިކަމަށް އިންތިޚާބު ކޮށްފައިވާ އިބްރާހީމް މުހައްމަދު ސާލިހު އެމަނިކުފާނުގެ ވައުދުތައް ފުއްދަވާނެ ކަމަށް މިހާރުވެސް ކަށަވަރުވާން ފަށައިފި ކަމަށް ކިނބިދޫ ދާއިރާގެ މަޖިލިސް މެމްބަރު އަބްދުﷲ ރިޔާޒުގެ ބޭބެ އަހުމަދު ރިޔާޒު ވިދާޅުވެއްޖެއެވެ.
ކެމްޕޭން ދުވަސްވަރު އިބްރާހީމް މުހައްމަދު ސާލިހު ވިދާޅުވީ ސިޔާސީ ހައްޔަރީން ދޫކޮށްލައްވާނެ ކަމަށެވެ. އެހެންނަމަވެސް ވެރިކަމުގެ ހުވައި ވެސް ނުކުރައްވަނީ ކުރީގެ ޕޮލިސް ކޮމިޝަނަރު އަރީފާއި، ދަގެތީ ދާއިރާގެ މެމްބަރު އިލްހާމް އަހުމަދާއި، ކިނބިދޫ ދާއިރާގެ މޭންބަރު އަބްދުﷲ ރިޔާޒާއި، އަބްދުﷲ ސިނާން ވާނީ ދޫކުރައްވައިފައެވެ.
މިހާރު މަސައްކަތް ކުރައްވަނީ ރައީސް މައުމޫނާއި، އެމަނިކުފާނުގެ ދަރިކަލުން ފާރިސް މައުމޫން މިނިވަން ކުރެވޭތޯއެވެ. ރައީސް މައުމޫނުގެ ދަރިކަނބަލުން ޔުމްނާ މައުމޫންގެ ފިރިކަލުން މުހައްމަދު ނަދީމު ވެސް ވަނީ މިނިވަން ވެފައެވެ.
އަބްދުﷲ ރިޔާޒުގެ އާއިލާއިން ވިދާޅުވެފައިވަނީ ވޯޓުން ކާމިޔާބުވެ 24 ސެޕްޓެމްބަރުގައި އަބްދުﷲ ރިޔާޒު އޭނާގެ އާއިލާ ގާތަށް ފޮނުވާނެ ކަމަށް އިބްރާހީމް މުހައްމަދު ސާލިހު ވިދާޅުވިއެވެ. "އެހެން އެކަން ވީމާ އަޅުގަނޑަށް އެބަޖެހޭ ފެށުމުގައި ވެސް އިބްރާހީމް މުހައްމަދު ސާލިހަށް އިތުބާރުކުރަން" އަހުމަދު ރިޔާޒު ވިދާޅުވިއެވެ.
